Предыдущая публикация
🤭🤭🤭🤭🤭🤭🤭
Гимнастика урынына
Помидор бәйләп кердем.
Аэробика булсын диеп
Бераз кер юып элдем.
Ял булсын әле бераз дип
Бакча гына әйләндем
Бәрәңге арасын гына
Әз мәзләп кәтмәнләдем.
Сулар сиптем кыярларга
Үзе бер ял тугелме
Кереп киттем, бик кыздыра
Бүген кояш күгемне.
Өйдә тагын яллар итеп
Савыт- сабамны юдым.
Шул арада ял булсын, дип
Коймакка камыр куйдым.
Әй яратам җәй көннәре
Авылда ял итәргә.
Нигә кирәк рәхат эзләп
Әллә кая китәргә.
Менә ичмасам авылда
Ялның бөтен төрлесе
Иеләсең, бөгеләсең
Тышка, өйгә керәсең.
Кай якларга куз салсаң да
Көтеп тора йөз төрле ял
Телисең кәтмәне, сәнәк,
Көрәк тотып ял итеп ал.
Шуңа күрә дус, туганнар
Аптырашып ятмагыз
Ял итәсегез бик килсә
Авылларга кайтыгыз.
🤭🤭🤭🤭🤭🤭🤭
Следующая публикация
Комментарии 3