📿🌙Әгүзү
билләһи минәш-шәйтанир-раҗиим. Бисмилләһир-рахмәнир-рахиим. 📿🌙Әлхәмдүлилләһи раббил галәмиин.
Вәссаләтү вәссаләмү галә расулинә Мүхәммәдин вә гәла әлиһи вә әсхабиһи
әҗмәгыйн. 📿🌙
🤲Йә,
Раббыбыз!Рәхмәт Синең булганыңа, Синең безне шушы дөньяларга🌍 яратуыңа, Синең безне ишетүеңә,
күрүеңә, шушындый гыйбадәт, дөрес юл күрсәтүче-Бөек Ислам динен бүләк иткәнеңә.
Безнең өчен үрнәк тормыш юлын күрсәткән, Син кушканнарны үтәргә өндәгән,
өйрәткән, Сөекле Пәйгамбәребезне- Мөхәммәд С. г. Вәссаләмне яратканыңа рәхмәт
Сиңа🤲. Син бөексең, Синең исемең белән
әҗер-савапларны сорыйбыз. Йә, газиз Аллаһым🤲
🤲Йә,
Раббыбыз, илләребезгә-көннәребезгә тынычлык-иминлек, дуслык-татулык, ил
башлыкларыбызга гаделлек, гаиләләребезгә бәхет-сәгадәт, балаларыбызга
тәүфыйкъ-һидәят, иман, диндә булмаганнарга - туры юл, тормышларын кора алмый
йөрүче бәндәләргә- бәхет-сәгадәт, авыруларга шифа-сихәт, балаларыбызга үрнәк
булырдай гамәлләр кылып яшәргә насыйп итсәң иде.
🤲Йә,
Раббыбыз! Безгә кадәр Үз хозурыңа күчкән, дөньядан иман белән киткән, бездән
дога өмет итүче әрвахларыбызны, әти-әниләребезне, әби-бабайларыбызны, газиз
кардәшләребезне кичерсәң иде. Тар каберләрен киңәйтсәң иде, караңгы ләхетләрен
нурландырсаң иде. Ахыр урыннарын җәннәттә кылып, алар белән җәннәтләрдә
очрашып, шунда яшәргә насыйп әйләсәң иде.
🤲Йә,
Раббыбыз! Нахак сүзләр сөйләшеп, ☝кеше рәнҗетеүчеләрдән, ☝үтерүчеләрдән, ☝ялган юл белән гадел бәндәләрне талаучылардан, ☝көнчелек-хөсетлелек уты белән янучы
бәндәләрдән, ☝бер-берсен күрә алмаучылардан, ☝икейөзлелектән, ☝ялганчы бәндәләрдән, ☝сихерче-күрәзәлек белән эш итүчеләрдән- Һәрбарчабызны сакласаң иде, я Газиз Аллаһым. Әмин.🤲
🤲Дога
кылыр алдыннан үзегез белгән, Бөек сүрәләрнең берсе булган -"Аятел
Көрси", 🌿Коръәннең
соңгы өч сүрәсен – “Әл-Ихлас”,🌿
“Әл-Фаләк” 🌿һәм
“Ән-Нәс” 🌿сүрәләре
укып, үзеңне, балаларны сыпыру, өшкерү файдалы. 🙏Болай эшләгән кешенең бөтен начарлыклардан имин
булуы хакында хәдистә искәртелә. ☝Моннан тыш, бу сүрәләр балаларны яман күзләрдән саклау өчен дә укыла. 📿
✒ Бу доганы, барлык танышларыгызга Аллаһ ризалыгы өчен таратыгыз, чөнки
Пәйгамбәребез с. г. в. әйткән: "Кем яхшы гамэл эшләргә өйрәтеп калдыра,
аңа шул эш өчен, бу гамәлне кылучыга килгән әжер-савап килеп торыр".
(Мөслим, 3509)
Присоединяйтесь к ОК, чтобы подписаться на группу и комментировать публикации.
Нет комментариев