Замоне кӯдак будам, ба ҳама чиз бовар доштам ва орзуву ормонҳои некӣ хеле зиёд доштам. Аз ягон чиз наметарсидам, чун падаре мисли ҷавшан доштам. Барои амалишавии орзуҳо ҳамеша мубориза мебурдам. Оҳиста - оҳиста бузург мешудам...Нигоҳам низ ба ин дунё тағйир меёфт.
Одамон ҳамеша "гап" доранд. Хоҳ муваффақ шавед, хоҳ муфлис, ҳатман ягон сухане мезананд. Ман бошам ба танқид аҳамият намедиҳам, чунки 90 фисади онҳо ба рӯям гуфта наметавонанд ё онҳо худ дар ягон соҳае муваффақ нашудаанд, агар муваффақ бошанд, ба ман аҳамияте намедиҳанд ё вақте надоранд.
Инсон оҳиста ба воя мерасад, бузург мешавад , агар босабр меҳнат кунад, ҳатман ба орзуҳояш мерасад . Дар аввал одамон ба шумо муваффақияту комёбӣ таманно мекунанд, аммо вақте муваффақу комёб шудед, чашми дидан надоранд,мехоҳад тезтар заифу муфлису тонавон шавед. Шурӯъ мекунанд ба бахилӣ ва ҳасуд. Дар дили ҳамаи инсон бахилӣ ҳаст. Агар ба танқиди онҳо аҳамияте надиҳед, ба тӯҳмати хушку холӣ мегузаранд
Инсонҳо аз нотавонӣ маҷбур тӯҳмат мекунанд.
Ман дар ин дунё аз ягон чӣ наметарсам, ба ғайр аз Худо ва ашки Модарам. Ҳамеша омодаи маргам, чунки марг омаданист ва ногаҳонист. Аммо барвақт марг ояд ҳам хуб нест, чунки модар баъди марг сӯхта - сӯхта нобуд мешавад. (аз Худо умри дарози бобаракатонро талаб мекунем ва аз ҳар чашми бад ва тӯҳматҳою бӯҳтонҳо нигоҳ дорад)
Дар ин дунё, ягона чизе, ки тавони диданашро надорам, ин ашки Модарам аст. Ягона заифии ман ин ашки Модарон аст. Агар ба ягон даст заданӣ шавам, ҳатман ашки чашмони модарамро ба хотир меорам.
Ашки Модар сӯзонтар аз шарораи оташ бичакад. Оҳ, агар ин ашк бо гуноҳи фарзанд рехт, ҳезум ҳарчанде тар бошад, ҳам месӯзад. Модар фариштаи пок аст, агар озоре аз ӯ бинед бубахшед , дурӯғе гӯянд, рост пиндоред, ранҷе диҳанд ба дил нагиред, ҳар гуноҳи модар ба хотири фарзанд аст. Модар баҳри фарзандаш ҷонашро медиҳад.
Ҳоло замона дигар шудааст. Нангу номус, мардонагӣ, ақлу заковат , хирад, касбият, эҷодкорӣ, раҳнамоӣ, инсондӯстӣ , ватанпарастӣ, қавииродагӣ, бимонӣ ... кайҳо рафтааст...Ҳамаи ин хислатҳоро танҳо дар шеъру сурудҳо ё нақлҳои гузашта вомехӯрему халос... Ҳоло пулу мол аз нангу номус болост. Тӯйҳои бодабдаба мекунем, аммо шумораи оилавайроншавӣ рӯз аз рӯз зиёд шуда истодааст. Мард оиладор шудан намехоҳанд, занҳо фарзанд таваллуд кардан намехоҳанд. Марди зану бачадор бо дигар зан рафта зино мекунад ва байни дӯстонаш боз аз амаликардааш боҳ фахр мекунад... Ҷавононро зино ва нушокихои спиртӣ нобуд карда истодааст.Одамон ҳақро мехоҳанд, аммо ҳақро гуфтӣ аз ту меранҷанд... Дар хона як бурдаи нони хурдани надорем, дар даст айфону самсунги қиматбаҳо ...
Ҳамеша нолиш, як маротиба "Шукри Худо" гуфтан не...
Гӯш кардану фаҳмидан намехохем, мехоҳем зудтар ҷавоб диҳему равем... Ҳама барои дуруст будан не, барои ҳақ будан мубориза мебарад.
Асри 21 ботини баду рӯйпӯши зебое дорем...
Ҳама дӯсти хубе пайдо кардан мехоҳад , аммо худаш дӯсти хуб намешавад.
Дар кӯча як инсон афтидааст, ҳазорон нафар гузашта мераванду яктои онҳо даст дароз намекуанд...
Одамон дар интернет нишаста ба ҳолу аҳволи ҳайвони бесоҳиб дилашон мезӯсад,аммо худашон як ҳафта пеш сагу гурбашонро аз хона рондаанд...
Бачаҳо аз овони кӯдакӣ ба дӯсту рафоқат боварӣ надоранду аз дунё аллакай сер...
Мусулмон хастем,аммо аз худамон бӯйи мусулмонӣ намеояд...
Вақте ки ғаму андух меояд, баъд Худо мегуем...
Қадри дониш нест, танҳо лайку репост кадру киммат дорад...
Як духтари бероҳа, беҳтар аз даҳ марди донишманд... Суханҳои бемантиқ мезанем.
Ифротгару радикализм дар авҷ ҳаст, ҳарчанде ки ҳама бо ин амалҳо мубориза мебарад ...
Дӯсту ёр ба пишт корд мезанад ва ба рӯят мегӯяд " Чи шуд, чаро чунин аҳвол дорӣ ?"
Даҳҳо китобхона дорем, аммо Ҳама бедониш...
Дониш дорем,аммо дар вақтҳои зарурӣ истифода бурда наметавонем...
Ҳаёти маҷозӣ беҳтар аз ҳаёти Ҳаққонӣ ...
Ҷангу шиканҷа дар авҷ аст...
Ба чойи дастгирӣ кардан ба поён тела медиҳем ...
Хеч кас хатои худро намебинад ва ислоҳ шудан намехохад...Ҳама аз пайи хатоковии якдигар ва ислоҳ кардан мехоҳад. ..
Рӯз аз рӯз ҳолу аҳвол бад мешаваду хуб не... Замоне расидааст ки каҳрамонони навро тавлид мекунад.
Аммо ман як шахси оддӣ шудан мехоҳам ва ба гӯшаи хомӯшӣ меравам.
Дар ин дунё бойгарии асосӣ падару модар ва зану фарзанд аст.
Дӯстони Азиз, илтимос як кореро анҷом доданӣ шудед, ҳатман рӯйи модарро ба хотир оред. Рӯйи Модар барои шумо "мотивация" аст!
Баъзеи шумоён гумроҳ шуда рафтаед, баъзеҳо дар як моҳ як маротиба ба модараш занг мезанад. Дар ин дунё аз ҳама чизи қимат, ин падару модар аст. Биҳишт зери қудуми Модарон аст. Фаромӯш накунед, ки ашк аз чашмони модар бо хатогиҳои мо мерезад. Бо ғаму ғуссаи мо модар пиру нотавон мешавад. Бо фикри фарзанд муйи сари Модар сафед мешавад...
Дӯстони азизам, чунон рафтор кунед, ки сари падар хам нашаваду ашки модар нарезад.
Дар лаҳзаҳои сахттарини зиндагӣ танҳо Модар бо туст. Модар фаришта аст. Фариштае, ки Худованд қимматашро болотар аз ҳама чизи дунё мондааст. Модар дар ҳама ҳолат бо мост. Дар намозҳояшон ҳамеша дуогӯйи мо ! Ҳатто дар хоби модар мо ҳастем! Пас чӣ гуна мо и метавонем, ашки модар бирезонем? Ӯ худ напӯшиду моро пӯшонид, худ нахӯрду моро сер кард, худ пиёда рафту мо савора, сар сафед кард, то мо ҷавонӣ бинем.
Модари азизу аз ҷон гардонам! Ба дилу ҷон баробарам, Шумо беҳтарини беҳтаринҳоед. Касе наметавонад ҷоятонро бигирад.
Модарам пораи дилам, ҷону ҷигарам, ганҷи ноёбаи, ҳасрати шабҳои бехобиям, умеди рӯзҳои ноумедиям, хонуми озодаву тамизам, кадбонуи хуби хубам.
Ҳеҷ чиз дар ин дунё арзиши "Модар"- ро надорад...Ман пораи қалби туям - Модар.
Худовандо, маро бубахш, дар ҳаққи падару модарам кӯтоҳӣ кардам ва то ҳол мекунам.
Модарҷони азизам, ман шуморо дӯст медорам. Ҳамеша дар дуоҳоям дар сафи аввалед. Аз Худованди Бузург талаб мекунам, ки ҳамеша соябони мо бошеду аз сари ҷигарбандон дур набошед. Саратон дардро набинад. Ҳамеша саломат ва хушбахт бошед.
Дӯстони азиз, ҳар саҳар аз ҳолу аҳволи падару модар як маротиба пурсон шавед. Дили модар ба фарзанд ҳамеша парешон аст. Як бор модар овози фарзандашро шунавад, қалбаш ором мегирад. Сарвати гаронбаҳо - ин падару модари зиндаву саломат доштан аст. Дар вақти зинда буданашон ба қадру қимати эшон бирасед. Хонед, обруйи модарро бардоред! Илоҳо, тамоми модарон хушу хурсанд бошанд!
Мегӯянд, ки Падару Модар чароғи хонаанд.Илоҳо, Худованд чароғи ҳеҷ хонаеро хомӯш накунад!
Худовандо, падару модари маро биёмурз ва бар онҳо раҳм кун ва барои мо фарзандон тавфиқе иноят фармо, ки эҳтироми падару модар ва хидмати эшонро ба ҷой биёварем ва онҳоро дӯст дошта бошем!
Модарони Азиз, аз даргоҳи Худованди Карим ба ҳар кадом Шумо саломатӣ, рузгори пурсаодат, хонадони ободу осуда ва тамоми хӯшиҳои зиндагиро орзу менамоям. Бигзор, дилҳои шумо ҳамеша монанди чашмахои кӯҳистон поку мусаффо ва мисли табиати хамешабахор зебову муҷалло бошад!
Худовандо, Ҳамаи Модарони дунёро дар паноҳат нигоҳ дору умри пурбаракат ато бикун!
Омин Ё Раббал оламин!
Присоединяйтесь к ОК, чтобы посмотреть больше фото, видео и найти новых друзей.
Комментарии 2