ҳар як шахс аст!
Дар замони рушди босуръати технологияи иттилоотӣ-коммуникатсионӣ гурӯҳҳои ифротгаро ва ташкилотҳои террористӣ ба интернет ва шабакаҳои иҷтимоӣ дастрасӣ пайдо намуда, фаъолияти экстремистии худро дар шабакаҳои иҷтимоӣ роҳандозӣ намудаанд. Дар фазои маҷозӣ маводҳое, ки аз ҷониби сомонаҳои ифротӣ нашр карда мешаванд, табиист, ки хилофи манфиатҳои халқу миллатҳо буда, барои ноором сохтани ҷомеа, ба вуҷуд овардани бетартибиҳо, ташкили ҷангу низоъ пахш карда мешаванд. Яке аз чунин сомонаҳои экстремистӣ ва ғаразноке, ки имрӯзҳо дар шабакаҳои иҷтимоӣ ба паҳн намудани маводҳои экстремистӣ ва моҳиятан мазмуни бадбинона дар нисбати миллату давлати тоҷик дошта, паҳн менамояд, ин сомонаҳои “Ислоҳ.нет”, “Паём.нет”, “Зиндониён” ва “Азда.тв” аст, ки ба ташкилоти экстремистиву террористии наҳзат таалуқ доранд.
Бояд қайд намуд, ки ҳама матолиби онҳо саросар бо мақсадҳои ғаразнок навишта мешаванд. Корбарони онҳо дар мавсими тирамоҳии даъвати ҷавонон ба хизмат дар сафи Қувваҳои Мусаллаҳи Тоҷикистон баён медоранд, ки гуё баъзе ҷавонони манотиқи кишвар мақсади хизмати ҳарбӣ карданро надоштаанд. Бояд қайд намуд, ки чунин иддао ягон асоси воқеӣ надорад. Барои тасдиқи он, ки иддаои сомонаи мазкур ғалат ва беасос аст, чанд далели қонунии раднопазир меорем.
1. Тибқи меъёрҳои Конститутсияи Ҷумҳурии Тоҷикистон ҳар як ҷавон вазифадор аст, ки хизмати ҳарбиро адо намояд. Дар моддаи 43-и Конститутсияи Ҷумҳурии Тоҷикистон зикр гардидааст: “Ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси шаҳрванд аст. Тартиби хизмати ҳарбиро қонун муайян мекунад.” Яъне ҳар як шаҳрванд уҳдадор аст, ки дар сафи Қувваҳои мусаллаҳ хизмат намояд. Конститутсия хизмати ҳарбиро “вазифаи муқаддаси шаҳрвандон” муқаррар намудааст. Хизмат кардан ё ба хизмати ҳарбӣ сафарбар намудан маънои ҷазо додан ба ягон касу чизе нест. Балки, хизмат кардан пеш аз ҳама ҳифзи марзу бум ва шарафу номуси Модар-Ватан аст.
2. Дигар ин ки Конститутсия ва Қонунҳои соҳавӣ барои сафарбар намудани ҷавонон ба хизмати ҳарбӣ ба оила ва ё фарзанду набераи касе будан афзалият надодааст. Яъне, дар Ҷумҳурии Тоҷикистон тамоми ҷавонон синни давъат новобаста аз он, ки фарзанд, набера ё абераи кистанд?! вазифадоранд, ки хизмати ҳарбиро адо намоянд.
Рустамов Суҳроб.,
коршиноси масоили сиёсӣ
Присоединяйтесь к ОК, чтобы подписаться на группу и комментировать публикации.
Нет комментариев