21 мая 21 года 21 столетия 21 выпуск Зугалайской средней школы Агинского Бурятского округа на Последнем звонке учебного года отметил большой юбилей - 40 -летие со дня окончания средней школы !

Душэн жэлэй уулзалга
Зуугаад жэлэй домогтой
Зугаалайн дунда hургуулида
Зургаатайхан хонгорхон наhандаа
Жараад ухибууд ороолта.
Тэршээхэн шууяатай таанадые
Туруушынтнай багшанар хутэлжэ,
Таатай зохидхоноор аргадажа,
Тооложо, уншажа hургаа hэн.
"Октябренок" ябаhан хаhатнай
Олохон жэлдэ мартагдахагуй.
Улаахан будтэй галстугаа
Убсуундээ зуужэ ябаалта.
Комсомол наhандаа бэежэжэ,
Худэрхэн хубууд, басагад
Колхозой хушэрхэн ажалда
Хамагаараа орожо хамhалсаат.
Хашаарын шэбхэдэ, хартаабхада
Хам оролсон хабаадажа,
Худоогэй ажалай хушэртэй
Хуугэдхэн наhандаа танилсаат.
Турэл hургуулиингаа омогорхол
Туруушын алтан медалистка
Нухэд соогоо хундэтэй
Наташа Беломестнова найзатайт.
Арбан найматайдаа хубуудэйнгоо
Албанда татагдажа ошоходонь,
Аляахан басагад удэшэжэ,
Аажамхан нютагтаа хулеэгээт.
Полици, таможни, сэрэгэй албанда
Погонтой басаган, хубуудшье бии.
Хунэй аргашанай мэргэжэлтэй
Хундэхэн ажалтай басагадшье бии.
Худоо ажахыхадаа худэлдэг
Худэр ажалша нухэдуудтнай
Хэhэн, эрхилhэн ажалдаа
Хундэтэй хододоо ябадаг юм.
Бухгалтер, журналист, тогоошон
Байхал баhа нухэд соотнай.
Барилгашад, жолоошод, hаалишад
Барандаа ажалдаа урагшатайнууд.
Даамайхан эдеэшэг наhандаа
Дандигар байдалаа зохеоhонууд,
Ури хуугэдоо тубхинуулнэт,
Ундэн ашанараа буубэйлнэт.
Хорин нэгэдэхи выпуск
Хорин нэгэдэхи зуун жэлэй
Хорин нэгэдэхи оной
Хорин нэгэндэ май hарын
hуулшын хонхын баярта
hургуулиингаа уудэ татажа,
Душэн жэлэйнгээ уулзалгада
Дуурэн бултаараа суглархатнай!
Ундэр наhатай багшанарhаа
Унэтэйхэн угэнуудые дуулахатнай.
Ургажа ябаhан хуугэдтэ
Урихан захяагаа хэлэхэтнай!
Олон жэлэй туршада
Олоороо уулзажа ябагты!
Омог дорюун нухэдоороо
Омогорхожо хододоо ябагты!
Зугаалайн дунда hургуулиин 21дэхи выпускын
1964 оной сасуутан нухэдтоо
Зудхэлиин дунда hургуулиин 15-хи выпускын
Дыжит Ринчинова (Дылгырова) зорюулба.
Ага тосхон, 2021 оной апрелиин 21.