Предыдущая публикация
Сябры, з вялiкiм задавальненнем вiтаем нашых хэдлайнерау - беларускi гурт AKUTE.
Вiтаем удзельнiкау гурта!
Стас Мытнік – вакал, гітара
Раман Жыгараў – бас-гітара, бэк-вакал
Гурт Akute быў створаны ў 2008 годзе ў Магілёве. Музычны складнік калектыва фарміраваўся пад уплывам New Order, The Cure, Placebo, The Killers, Interpol. Тэкставы – пад уражаннем ад твораў Азімава, Брэдберы, Стругацкіх і іншых пісьменнікаў-фантастаў ХХ стагоддзя, памножанным на паэтычны шарм беларускай мовы.
Дэбютны альбом "Дзевачкі і космас" выйшаў у чэрвені 2011 года. Дыск патрапіў у лік лепшых альбомаў года па версіі партала Experty.by , а гурт перамог у намінацыі "Прарыў года" на ўзнагародах "Рок-каранацыя".
Другі альбом "Не існуе" з’явіўся ў красавіку 2012 – прызнанне крытыкаў і прэсы гэтым разам матэрыялізаваліся ў паспяховых сольных канцэртах ў Мінску і рэгіёнах. Увосень Akute выступілі ў Мінску перад Placebo (абіралі самі брытанцы), дзе атрымалі вельмі цёплы прыём ад публікі і станоўчыя водгукі ад прэсы.
Прыканцы года гурт сабраў больш за 800 гледачоў на сольным канцэрце ў мінскім клубе Re:Public. Па выніках 2012 гурт Akute і альбом "Не існуе" былі адзначаны шэрагам тытулаў на ўсіх незалежных беларускіх музычных узнагародах.
У красавіку 2013 адбылася прэм’ера канцэртнай праграмы "Як на далоні", названай у гонар адной з песень легендарнага беларускага рок-гурта Ulis. З ёй музыкі паспяхова праехалі першы паўнавартасны тур па абласных цэнтрах Беларусі. Пасля гурт выступаў на шматлікіх фэстах, у тым ліку "Мост" (Беларусь), Basowiszcza (Польшча), Galapagai (Літва), Vilnius Music Week (Літва).
Ужо праз год у красавіку 2014 выйшаў апошні, на дадзены момант, поўнафарматны альбом Akute “Рэальнасць і сны”, які самі музыкі характэрызуюць як “сваю найдакладнейшую працу”.
ЦЫТАТЫ
"За тры гады працы Akute здолелі зламаць шэраг папулярных стэрэатыпаў. Зараз хлопцы з Магілёва збіраюць тысячныя сольнікі ў Мінску ", – Zvuki.ru .
“А яшчэ гэтая музыка часта трапляе ў настрой, калі ў асноўным сумна ...” 34mag.net/ УЗНАГАРОДЫ
2010 – "Лепшы гурт" на фестывалі "Басовішча"
2011 – "Прарыў года" на ўзнагародах "Рок-каранацыя"
2011 – Топ-10 альбомаў года на ўзнагародах Experty.by 2012 – "Героі года" на ўзнагародах Tuzin.fm 2012 – "Альбом года" і "Гурт года" на ўзнагародах "Даём рады" ( Euroradio.fm )
2012 – "Гурт года" на Ultra-Music Awards
2012 – "Лепшы рок-альбом" на ўзнагародах Experty.by 2012 – "Артыст года" на прэміі Rock Profi
2014 – Альбом года па ўзнагародах "Даём рады" ( Euroradio.fm ).
Следующая публикация
Нет комментариев