*РУКЪУТНИ *АЛЦУД
Рукъуцни алцуд
Багьа ракьар я,
Хъипидни лацуд
Абрун рангар я.
Мас квай шеъ ийиз
Жеда чеб бакар.
Артух харж тийиз,
Гьазурда зат1ар…
Рукъуцдикай тир
Зат1 жеда багьа.
Алцутдикай жер
Зат1арни гьак1а.
Къведакни квавза
Дамах гур кьадар.
Вягьтедай абрун
Къвезва кьван заргар!..
Чи к1вале ама:
Алцуддин т1урар,
Истикан кьадай
Тум галай «пурар».
Рукъуцдикай тир
Зак1ални туп1ал,
Шуьк1уь зунжур квай,
Кьуд пип1ен гьакал.
Ама камари,
Мадни хьи кьве цам.
Алцуддинбур я,
Хьанва чеб ц1алц1ам…
Аманатар я
Бадедлай амай,
Виш йисаз мукьва
Уьмуьрар гьалай…
Жегьил тир ч1авар,-
Таваз квай, иер,
Алуднай ада
Алаз пак шеэр…
«Рукъуц, алцуд я
Зи багьа зат1ар…»
Лугьуз бадеди
Кьадай тир т1варар.
Бадед лугьучир
Къизилни, гимиш.-
Абрун т1варар кьун
Къведачир къимиш.
Тадай сандухда
Камар, цам, гьакал…
Ягъдай тир кулег,
Саламат патал…
Чан аламай кьван,
Зат1ар такабур,
Хвенай «ченеба»
Тийиз гьич къалур…
https://t.me/photocolorizerb" (не реклама).
https://flnka.ru/glav_lenta/18860-dni-sulejmana-stalskogo-v-moskve.html
Присоединяйтесь к ОК, чтобы подписаться на группу и комментировать публикации.
Нет комментариев