USTOZ
Jurabek NARZIY
Tanitdingiz harfni, bilim, savodni,
Birga yozdik daftarga husnixatni,
Tarbiyalab ko'rsatdingiz hayotni,
Sizga buyuk hurmat, sizga ehtirom.
Uztoz, nurga to'lar sizla koshona,
Bu dargoh orzuga, ota-yu ona,
O'zingiz bizlarga odob, namuna,
Sizga buyuk hurmat, sizga ehtirom.
Qurdingiz poydevor qalbga mustahkam,
Har yaxshi- yomonga o'zingiz hakam,
O'rgatib bizlarga tartib- intizom,
Sizga buyuk hurmat, sizga ehtirom.
Dunyo tafakkuri o'zingiz harchand,
Sizlardan ne zotlar olmishdir qudrat,
Uztozlar yaratgan hikmatlar-ibrat,
Sizga buyuk hurmat, sizga ehtirom.
Aqlimiz siz bilan charag'bon yog'du,
Siz borsiz yurakka, cho'kmas qorong'u,
Oshib olijanob ustozlar dong'i,
Sizga buyuk hurmat, sizga ehtirom.
Ta'lim cho'qqisiga yetar kuchimiz,
Tokay yashagaymiz oqlab burchimiz,
Sizga ta'zim qildik bizlar barchamiz,
Sizga buyuk hurmat, sizga ehtirom.
@Jurabek_Narziy
Присоединяйтесь к ОК, чтобы подписаться на группу и комментировать публикации.
Нет комментариев