Предыдущая публикация
ЛІТАНІЯ ДА МАЦІ БОЖАЙ НЯСТОМНАЙ ДАПАМОГІ
(для прыватнага чытання)Кірые, элейсон, Хрыстэ, элейсон, Кірые, элейсон,
Хрыстэ, пачуй нас, Хрыстэ, выслухай нас.Ойча з неба, Божа, - змілуйся над намі.
Сыне, Адкупіцель свету, Божа, - змілуйся над намі.
Духу Святы, Божа, - змілуйся над намі.
Святая Тройца, Адзіны Божа, - змілуйся над намі.Святая і Беззаганная Панна Марыя,
- удзялі нам Тваю нястомную дапамогу.
Маці Божая,
Маці Міласэрнасці,
Трон Божай ласкі,
Пасрэдніца нашага збаўлення,
Каўчэг вечнага супакою,
Падтрымка ў нашых няшчасцях,
Апора Касцёла,
Моц нашай веры,
Непераможная сіла для пекла,
Узброеная цвярдыня для нашай абароны,
Правадніца хрысціянаў,
Прыхільніца чыстых сэрцаў,
Якар нашай надзеі,
Прытулак прыгнечаных,
Суцяшальніца засмучаных,
Абаронца грэшнікаў,
Гавань пацярпелых,
Надзея расчараваных,
Апякунка сем’яў,
Вартаўніца моладзі,
Падтрымка ўдоваў,
Маці сіротаў,
Збаўленне паміраючых,
Панна нашых лёсаў,
Брама да нябесных дабротаў,
Каралева неба і зямлі,
- удзялі нам Тваю нястомную дапамогу.Баранку Божы, які бярэш на сябе грахі свету,
- даруй нам, Пане.
Баранку Божы, які бярэш на сябе грахі свету,
- выслухай нас, Пане.
Баранку Божы, які бярэш на сябе грахі свету,
- змілуйся над намі.Молімся.
Беззаганная Панна, сваімі шматлікімі дабрадзействамі Ты абудзіла ў нас веру ў Тваю нястомную дапамогу, атулі нас сваёй дабрынёй. Падтрымлівай святы Касцёл, захоўвай і ўмацоўвай веру сярод народаў, абудзі хрысціянскі дух у сем’ях, падтрымлівай сілу працуючых, дадай адвагі церпячым і адчыні браму неба для паміраючых. Будзь нашаю дапамогаю ў кожную хвіліну жыцця і вызвалі нас ад граху. Праз Хрыста, Пана нашага. Амэн.МАЛІТВА Ў РОЗНЫХ ПАТРЭБАХ
ДА МАЦІ БОЖАЙ НЯСТОМНАЙ ДАПАМОГІО, Маці Божая, нястомнай дапамогі, з вялікім даверам прыходжу сёння да Твайго святога абраза, каб прасіць Тваёй дапамогі. Не спадзяюся на свае заслугі ані на свае добрыя ўчынкі, але толькі на бязмежныя заслугі Пана Езуса і на Тваю неспасцігальную Мацярынскую любоў.
Ты глядзела, о Маці, на раны Адкупіцеля і на Кроў Яго, што пралілася на крыжы дзеля нашага збаўлення. Сын Твой, які паміраў, даў нам Цябе за Маці.
Ці ж не будзеш Ты для нас, як сведчыць Твой цудоўны тытул, Нястомнай Заступніцай? Таму, о Маці Божая Нястомнай дапамогі, праз балесную муку і смерць Твайго Боскага Сына, праз невыказныя цярпенні Твайго сэрца, о Заступніца, вельмі горача малю Цябе, каб выпрасіла мне ў Свайго Сына тую ласку, якой вельмі жадаю і якая мне так патрэбна… (выказаць сваю просьбу).
Ты ведаеш, о Маці бласлаўлёная, як хоча Езус Адкупіцель наш удзяліць нам усялякіх пладоў адкуплення. Ты ведаеш, што гэтыя скарбы былі аддадзеныя ў Твае рукі, каб Ты іх нам радзяляла.Таму, о найласкавейшая Маці, выпрасі для мяне ў Сэрца Езуса тую ласку, аб якой у гэтай малітве пакорна прашу, а я з радасцю буду праслаўляць Тваю міласэрнасць праз усю вечнасць. Амэн.
Следующая публикация
Комментарии 15