Предыдущая публикация
ზარა: "მე მინდა, რომ მამაჩემის რეკორდი მესიმ მოხსნას და არა რონალდუმ""ლა ლიგის" ყველადროის საუკეთესო ბომბარდირის ქალიშვილმა განაცხადა, რომ მამამისს ის უფრო გაუხარდებოდა მესის, რომ მოეხსნა მისი 60 წლიანი რეკორდი, ვიდრე კრისტიანუ რონალდუს.
ლეგენდალურმა ფორვარდმა ზარამ (სრული სახელი ტელმო ზარაონანდია მონტოია) 271 ჩატარებული მატჩში 251 გოლის გატანა მოახერხა. იგი "ატლეტიკში" 1940-1955 წლებში თამაშობდა.
27 წლის ლიონელ მესიმ კი "რაიოსთან" მისი 249-ე გოლი გაიტანა "ლა ლიგაში" და კიდევ უფრო მიუახლოვა ტელმო ზარას რეკორდს.
კარმენ ზარამ უთხრა კატალონიის რადიოს, რომ მისი ოჯახი არ არის ნაწყენი და მამისი მესის შესაფერისს მომკვიდრეს დაარქმევდა.
"არა, ეს ჩვენ არ გვაწუხებს. მე უფრო გამეხარდებოდა რეკორდი ვინმეს "ატლეტიკიდან, რომ მოეხსნა, მაგრამ დარწმუნებული ვარ, მამაჩემი კმაყოფილი იქნებოდა მესით, რადგან იგი ჩანს ძალიან კეთილშობილი პიროვნება მოედანზე და მის გარეთ".
ზარას ასევე ეკუთვნოდა რეკორდი, ერთ სეზონში გატანილი გოლებითაც (38), მაგრამ 2011-12 წლების სეზონში მესიმ გაიტანა 50 გოლი და გააუმჯობესა მისი რეკორდი.
"მესი, მესი, ზედმეტი ლაპარაკის გარეშე. მე მომწონს მესი, როგორც ფეხბურთელი და ასევე როგორც ადამიანი. კრისტიანუ რონალდუ იტანს ბევრ გოლებს, მაგრამ მე ლეო უფრო მომწონს" დაასრულა კარმენ ზარამ.
Следующая публикация
Комментарии 14