ГIяхIцад дарганти сунези каберхурси «Даргала анкъи» бикIуси жамигIятла организацияли, декабрьла 3- личиб дурабуркIуси чулахъунала БархIиличил бархбасахъи, кьукьяла жигарла бутIакьянчи Индира ГIямаровала хIурматлис Избербашла «Фламинго» бикIуси кафелизиб жагаси гьунибаъни дураберкIиб.
«Даргала анкъи»-лизибтани Индира ГIямарова саби гIяхIтили бетарахъуси гьайкариван кьабулрирули бирар.
РиштIахIейчирад арадешлизир нукьсандешуни лерси Индира гьанна чумал дус «Даргала анкъи»-личил мурталра рарх сари.
Илини илар дарган мез дагьур, ручIес, лукIес бусириуб, гьанна жагати назмуртира цаладирхъули сари.
Илала хIурматлис, чула лерилра дирути датурли, гIяхIцад дарганти Избербашлизи цалабикиб, жагаси кьумур-алав кабииб, далуйти зайдухъахъун, чулахъла уркураличи каратурси Индира чучил делхълизи каратур, илис хасдарибти жагати дугьби дуриб, вавнала хала ва савгъатуни дедиб. Лебтанилра иличил дарх суратуни касиб.
Присоединяйтесь к ОК, чтобы посмотреть больше фото, видео и найти новых друзей.
Нет комментариев