БИЗКУ БЎЗЛАБ ҚОЛДИК ОСМОН,

СЕНИНГ БАҒРИНГ НЕЧУН ВАЙРОН.
ЎЗ ОТАСИН ЕРГА БЕРИБ,
АЗА ОЧГАН ЎЗБЕКИСТОН!
Байроқларим бошин эгиб,
Қора тасма боғланибди,
Отасидан жудо элнинг,
Юрак бағри доғланибди.
Тугамаскан кўздаги ёш,
Ёмғирларинг ёғдир осмон,
Қора кўйлак кийгин Қуёш,
Аза очди Ўзбекистон.
Пайғамбарлар сабридан бер,
Чорасизмиз ўлим ҳақдир,
Ҳатто ўлиб шунча азиз,
Бўлмоқлик ҳам саодатдир!