Кечалар ёстиғингни қўлим тимсайди.

Уйкусиз кўзларим сени қумсайди.
Суратингни кўрганда кўнгил тўймайди,
Мусофир ўғлимни асрагин Тангрим.
Қирқ томирингни,соғ қилдим болам.
Жажжи юрагингни,боғ қилдим болам.
Ўстирдим қудратинг,тоғ қилдим болам,
Мусофир ўғлимни асрагин Тангрим.
Оҳ,десанг охларингни юрагим сезар.
Соғинчдан кўзимда ёшларим сизар.
Куну-тун ўйларим сени деб кезар.
Мусофир ўғлимни асрагин Тангрим.
Меҳнатга ўргатдим,меҳнатдан толма.
Ҳаром дарахтини мевасин олма.
Мусибат тушганда Элингдан қолма,
Мусофир ўғлимни асрагин Тангрим.
Топширдим АЛЛОҲга омонат қилиб,
Меҳр-мурувватига ибодат қилиб.
Жойнамоз устида дуолар қилиб
Мусофир ўғлимни асрагин Тангрим.