Предыдущая публикация
ПРИМЕРА...
Рашкингни ӯтида куйиб кул бӯлган,
Юракка сира ҳам рахм келмайди
Ишқингда йиғлатиб куйдирсанг ҳам ёр
Сени бировларга бергим келмайди.
Қинидан тошгудек бӯлиб юрагим,
Гапимга сира ҳам қулоқ солмайди,
Севгилим ифоринг соғиниб чунон,
Сени бировларга бергим келмайди.
Билмайсан пинхона кузатганларим,
Кӯрсам ҳам кӯзларим сенга тӯймайди,
Бағримни минг бӯлак қилса ҳам хижрон,
Сени бировларга бергим келмайди.
Обод булар билсанг вайрона кӯнглим,
Тафтинг қуёш каби мени чорлайди,
Йуқ азизим, жоним ишон ҳеч қачон,
Сени бировларга бергим келмайди.
Армонми, азобми бари бе фойда,
Хеч бири ахдимга қарши бормайди,
Савобми, гуноҳми фарқи йӯқ тушун,
Сени бировларга бергим келмайди.
Не қилай шунақ телбадек севиб,
Тақдирга сира ҳам кӯнгим келмайди,
Шундай қудрат билан ғирром бӯлса ҳам,
Сени бировларга бергим келмайди.
Сирли самолардек севаман ахир,
Сӯнгсиз саҳролардек севаман ахир,
Самимий соғинчим, севгилим ахир,
Сени бировларга бергим келмайди.
Шаҳноза Жураева.
🍃🌿🌸🌺🌸🌿🍃
Следующая публикация
Нет комментариев