Предыдущая публикация
Тағы эш көнөм үтте, тип Ҡыуанып-ҡыуанабыҙ. Үтте, тиеп шатланабыҙ, Тағы бер эш аҙнабыҙ. Ҡыуанабыҙ, шөкөр, тибеҙ, Әле эшләрлек кәр бар. Өҫтәлдәрҙә икмәк бар ҙа Һөтлө сәй, май, шәкәр бар. Кибеттәрҙә ни генә юҡ – Алға китеш дәүере! Тәбиғи ризыҡ, тәғәмдең Киткән сағы ҡәҙере. Кешегә күп тә кәрәкмәй: Баш осоңда ҡыйығың, Тамағыңа етер аҙыҡ Булһа, юҡ һымаҡ ҡайғың. Юҡ һымаҡ та, әммә ләкин Бар замана талабы. Ҡай сағында шул талаптар Хәтерләтә... талауҙы. Уныһы кәрәк, быныһы! – Эх, замана талабы. Донъя йыйып, донъя ҡыуып, Эй сабабыҙ, табабыҙ... Юҡ, өнәмәм мохтажлыҡты, Ялҡаулыҡҡа: “Юҡ!” – тимен. Шөкөр итә белеү һәм дә Тырышлыҡҡа: “Хуп!” – тимен. Фәнүзә Зөлҡәрнәева.
Присоединяйтесь к ОК, чтобы подписаться на группу и комментировать публикации.
Нет комментариев