Ёши 90 дан ошган онахоннинг ўғли сўзлаб беришича:
Кунларнинг бирида уйимизга қариндошимиз келди. Онам ҳам меникида эдилар. ( яъни онам билан бирга турардик). Қариндошимиз уйга киргач: «Ма ша Аллоҳ! Онанг сеникида яшайдими?» -деди
Мен: «Йук, мен онамникида яшайман!"-дедим ҳурмат юзасидан.
Шунда онажоним: «Ундай эмас, болажоним! Сен кичиклигингда бизнинг қарамоғимизда эдинг... Энди бизлар қаригач сенинг қарамоғингдамиз... Аллоҳ таолонинг:
«Агар ҳузурингда уларнинг бирлари ёки икковлари ҳам кексаликка етсалар...» деган ояти эсингдан чиқдими?!"- дедилар.
Бу оятни ўкиган бўлсам ҳам, биринчи бор эшитаётгандек бўлдим!
Ота-онанинг ёши ўтиб борар экан улардаги барча нарсалар аста-секин камайиб заифлашиб боради. Кўриш... Эшитиш... Куч-қувват...
Лекин бир нарса асло камаймайди...
Асрлар ўтса, ўтсин заифлашмайди...
Бу - ота-оналик меҳри! Фарзандига бўлган муҳаббати!
Мана шу бебаҳо неъмат ота-онангизнинг меҳр-муҳаббатини ўзингизнинг совуққонлигингиз, эътиборсизлигингиз билан сўндирманг!
Уларни ёлғиз қолдирманг! Ғанимат билинг!
Ишларингизни баҳона қилиб уларни зиёрат қилишни орқага сурманг!
Ишонинг улар сизнинг бор бойлигингиз - Жаннатингиз!
Бугун нималарга эришган бўлсангиз барчаси уларнинг хизмати!
Отангизнинг букилган қаддига, қадокюқ босган қўлларига қаранг.
Ахир кечагина бу қўллар сизни маҳкам қучмадими, кўтариб ўйнатмадими?!
Тойиб йиқилай деганингизда мана шу кўллар сизни тутиб қолмадими?!
Энди уларни қўйиб юборасизми?!
Онангизнинг хира тортган кўзларига қаранг.
Мана шу кўзлар сизнинг оромингиз учун неча-неча тунларни бедор ўтказмадими?!
Мана шу кўзлар сизга боқиб нигоҳингиздан нима истаётганингизни ўқиб олмадими?! Бугун энди улардан юз ўгирасизми?!
Ота-онангизга сизнинг мол-дунёингиз керак эмас...
Улар фақатгина бир оғиз ширин сўз, меҳрли табассум, озгина эьтибор истайдилар холос...
Шуни ҳам уларга кўп кўрасизми?!
Ўйлаб кўрингчи...
Охирги марта қачон уларни зиёрат қилдингиз...?
Қачон ҳол-аҳволларини сўрадингиз...?
Қачон кўнгиллари тусаган, аммо уялиб айта олмаган егулик билан сийладингиз...
Қачон уларни юзларини кулдирдингиз... ?
Буларнинг жавоби ВИЖДОНимизга ҳавола...
Унутманг қайтар дунё!
Ота-Онага ҳурмат-эътиборни фарзандингиз сиздан ўрганади, буни ҳам унутманг!!!
--------------------------------------------
Шу ўринда эслатма! Ҳурматли эркаклар! Аёлларингиз қўл остингизда, қарамоғингизда. Уларни ота-оналарини зиёратига тез-тез рухсат беринг. Уларни зиёратдан тўсманг, зулм қилманг! Бир, икки, уч, тўрт ойлаб ҳатто ундан кўп вақт юбормайдиганлар бор... Тез-тез, вақтида юбориб турадиган олийжаноб, олийҳиммат эркаклар ҳам бор...
Аёлингизнинг ота-онаси ҳам сизнинг ота-онангиз каби кўз қорачиғидек авайлаб ўстирган! Меҳр билан боқиб, жигарпорасини сизга ишонган! Уларни фарзанд соғинчи билан қийнаманг! Сиз ҳам отасиз! Фарзандингизни ойлаб кўрмаслик у ёкда турсин, бир кун кўрмасангиз қанчалар ўртанасиз?! Ишга етиб бормасингиздан юрагингизнинг парчасини кўргингиз келади... Энди қизини кунлаб, ойлаб кўролмаётган бечора ота-онанинг ҳолига қаранг!
Бироз, ҳа, бироз раҳмингиз келсин! Шароитингизга қараб, илож борича ҳиммат билан йўл тутинг! Сизнинг ҳам қизингиз бордир... Куёвингиз қандай булишини истасангиз, ўзингиз шундай бўлинг!
#музыка
Присоединяйтесь к ОК, чтобы подписаться на группу и комментировать публикации.
Нет комментариев