Предыдущая публикация
Элчи Ибрагим Жунусовдун Румыниянын элчиси менен жолугушуусу болуп өттү
Кечээ, 16-июнда, Өзбекстандагы Кыргызстандын элчиси Ибрагим Жунусов Румыниянын Өзбекстандагы элчиси Даниэль Кристиан Чибану менен жолугушту. Бул тууралуу тышкы иштер министрлигинин басма сөз кызматынан билдиришти.
Анда, жолугушуунун башында Румыниянын элчиси Даниэль Кристиан Чибану өзүнүн дипломатиялык ишмердүүлүгү, ошондой эле саясий, соода-экономикалык чөйрөлөрдөгү румын-өзбек кызматташтыгынын учурдагы абалы жөнүндө кыскача маалымат бергени айтылат.
Өз кезегинде элчи Ибрагим Жунусов кыргыз-өзбек кызматташтыгын өнүктүрүүнүн негизги багыттары жөнүндө айтып, ошондой эле ага Өзбекстандагы жаңы дипломатиялык ишине ийгилик каалады.
Тараптар ошондой эле Кыргызстан менен Румыниянын ортосундагы кызматташтыкты чыңдоонун мүмкүнчүлүктөрүн талкуулашты.
Следующая публикация
Нет комментариев