Бугун Европа Лигаси ярим финали дастлабки ўйинлари бўлиб ўтади

Бугун Европа Лигаси мусобақасининг ярим финал дастлабки ўйинлари бўлиб ўтади. Испанияда “Севилья” жамоаси ўз майдонида “Фиорентина” клубини қабул қилади.
“Рома”дек кучли жамоани ортда қолдириб, ушбу босқичга етиб келган “Фиорентина”дан мухлислар кўп нарса кутишмоқда. Ўз ўрнида “Севилья” ҳам осонлик билан таслим бўлмаслиги аниқ.
Ярим финалнинг яна бир ўйинида “Наполи” клуби ўз майдонида Украинанинг “Днепр” клубини қабул қилади. Мазкур ўйин ҳам мухлисларнинг катта қизиқишига сабаб бўляпти. Ҳамюртимиз Виталий Денисовнинг жамоаси Рафа Бенитес қўлостидаги “Наполи” синовидан қай тариқа ўтади, бу ни вақт кўрсатади.
Ҳар иккала ўйин ҳам Тошкент вақти билан соат 00:05да бошланади.
Европа Лигаси, 1/2 финал. Дастлабки ўйинлар.
Севилья Испания – Фиорентина Италия
Наполи Италия – Днепр Украина