Предыдущая публикация
Шалти ĕçсен органĕсен хисеплĕ сотрудникĕсем, ветеранĕсем!
Сире професси уявĕпе - Раççейри шалти ĕçсен органĕсен ĕçченĕн кунĕ ячĕпе саламлатăп!
Право хуралĕн органĕсенче тăрăшакансем пысăк та яваплă ĕç пурнăçлаççĕ, йĕркелĕхпе саккунлăха, граждансен лăпкăлăхне, вĕсен прависемпе интересĕсене хỹтĕлеççĕ.
Сирĕн ĕçĕр хăрушлăхпа çыхăннă, хăвăр тивĕçĕре тỹрĕ кăмăлпа, чунтан парăнса, чыслăн та паттăррăн пурнăçлатăр, округри лару-тăрăва тивĕçлĕ шайра тытса тăратăр, халăха лăпкăн ĕçлеме тата канма майсем туса паратăр.
Шалти ĕçсен органĕсен ветеранĕсем хăйсен паха та пуян опычĕпе çамрăк сотрудниксене туллин паллаштараççĕ. Пĕрлехи вăйпа тата килĕштерсе пурнăçланă ĕç хăйĕн ырă çимĕçне парать.
Полици сотрудникĕсене пурне те тỹсĕмлĕх, саккуна пăсакансен çулне пỹлме яланах хатĕр пулма, палăртнă тĕллевсене тивĕçлипе пурнăçласа пырса халăха малашне те лăпкăлăхпа тивĕçтерсе тăма сĕнетĕп.
Сире çирĕп сывлăх, иксĕлми телей, вăй-хал, кил вучахĕн ăшшине туйса тăма тата çитĕнỹсемпе палăрма сунатăп.
Леонард ЛЕВЫЙ, Елчĕк муниципалитет округĕн пуҫлӑхӗ.
Следующая публикация
Нет комментариев