Предыдущая публикация
#Махмутовы#СасЙаҡ#Ясколба#Тоғомнар#Себертатарлар#Сыбырлар
Род Махмутовых 🌳
Махмутовларның тоғомо 📜
Риүәйәтләр пуйынца, Мәҡмүт төп олатаның ҡартөннәсе пицен пулған имеш, ата-пабасы аны төстән алып ҡайтҡан. Аларның паллары Пицен тоғом пулып ҡалғаннар. Пе ҡәл инте алимнарға та кән кәпләнкән, пасмаларға эләккән. Ул тоғомҡа инте йарты Йангутум керәтегән пулыр. Мәҡмүт төп олатабыс олло суңарцы пулған тип кәпләгәннәр, 60 айыу атҡан пулған. Инте ирмәк пер ҡикәйә ул алтмышынцы айыу турынта...
Алтмышҡа, олло санҡа, перүә генә тулмаған, илле туғысны атҡан пулған. Ҡартайғац, йәш пицә алған имеш. Энтәшкән ауцы тусларына, тултырғалы инте алтмышҡа. Аңа айыуның өнөсөн эстәп пиргәннәр, апарғаннар. Пицәсе күргәскән өннөң ауысын, тайаҡтан тарыу(крест) йасап салып ҡуйған анта, мене мынта тип (абышҡаның күсе начар күрә пашлаған). Эйәне өнөтән тайаҡлар тығып, төрткөләп цығарғаннар. Айыу тишектән күренкәц, палта төңтө пән пашына ороп үлтергән. Алтмышны тултырған. XIX асырта пороңҡо ҡораллар пелән ауцыға инте ҡыйынраҡ пулған пулыр айыуға йөрөгәле. Цыннап та олло суңарцы пулған.
Фотота Халиулла Махмутов, йуғарғы рәт, уң йаҡтан игенце
Следующая публикация
Комментарии 1