Предыдущая публикация
Бир қизиқ воқеа эсимга тушиб кетди.
Тўқсон олтинчи йил эди. Укам дўконимиз калитини йўқотиб қўйибди. Ўша куни уста тополмадик, эшик очиқ қолгани учун укам пойлаб, дўконда қолибди. Эртасига ҳам нимадир сабаб бўлиб, тузалмабди, яна қолибди. Учинчи кун савдони бошлаб турса, бир эр-хотин кириб келибди. Айтишича, аёли эрининг қўлидан маҳкам ушлаб олиб, судраб кирганмиш. Тинмай "Қани, қайси дўкон, агар шу бугун топиб бермасангиз, нима қилсам қиламан" деб, тўполон қилармиш. Эри қалтираб, "Аниқ эсимда йўқ, шу дўкон эди шекилли" дебди. Укам ҳайрон, "Тўхтанг, нима бўлди ўзи?" деса, "Ука, мабодо уч кун олдин сиздан шакар олмаганмидим?" дебди. Укам "Балки олгандирсиз, эсимда йўқ, кўпчилик кириб-чиқиб турадиган жой" дебди. Аёли "Яна ҳунарингизни бошладингизми, мен нима дегандим!?" деб, жанжалини бошлаб қолибди. Укам "Э, тўхтанг-е, бўлди-да, нима гап ўзи!?" дебди. Аёли "Мана бу одам уч кун аввал кўчадан шакар олиб келди, қарасам, ичига калит беркитиб қўйибди, қайси хотинни калити десам, ўша кундан бери мен билмайман, қайсидир дўкондан олгандим деб, мени алдайди" дебди. Укам "Қани ўша калит?" дебди. Аёл чўнтагидан олибди, укам қараса йўқотилган калитимиз, укам кулавериб қотиб қолибди)))...
Хуллас, дўкондан нарса олсангиз, энди эҳтиёт бўласиз))...
Салим АЙЮБИЙ
Следующая публикация
Комментарии 1
Жудаям камайиб кетган