Предыдущая публикация
Расулуллоҳ солллаллоҳу алайҳи васаллам:
«Ҳар бир Одам боласи уч юз олтмиш бўғим билан яратилган», деганлар.
Имом Аҳмад ривояти.
Инсон жисмидаги бўғимлар Расулуллоҳ соллаллоҳу алайҳи васаллам ўн тўрт аср олдин айтганларидек, уч юз олтмишта экан. Ушбу илмий ҳақиқат милодий йигирманчи асрнинг охирларида маълум бўлди. Ахир Расулуллоҳ солллаллоҳу алайҳи васалламга бу ҳақиқатни Аллоҳдан бошқа ким ҳам айта олар эди?
– Умуртқада 147 та бўғим.
– Кўкракда 24 бўғим.
– Юқорида, яъни елка, тирсак, билак ва қўл суякларида 43 × 2 = 86 та бўғим.
– Пастда, яъни сон, тизза, тўпиқ ва оёқ суякларида 44 × 2 = 88 та бўғим.
– Тосда 13 та бўғим.
– Жағда 2 та бўғим.
Жами: 147+24+86+88+13+2=360
Абу Зарр розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар: «Сизлардаги ҳар бир бўғим учун ҳар куни тонг отганда садақа бор. Ҳар бир тасбеҳингиз (яъни «Субҳоналлоҳ», дейишингиз) садақадир. Ҳар бир ҳамдингиз (яъни «Алҳамдулиллаҳ», дейишингиз) ҳам садақадир. Ҳар бир таҳлилингиз (яъни «Ла илаҳа иллаллоҳ», дейишингиз) ҳам садақадир. Ҳар бир такбирингиз (яъни «Аллоҳу акбар», дейишингиз) ҳам садақадир. Яхшиликка буюришингиз ҳамда ёмонликдан қайтаришингиз ҳам садақадир. Чошгоҳ (зуҳо) пайтидаги ўқиган икки ракъат намозингиз эса буларнинг ўрнига кифоя қилади».
Имом Муслим ривояти.
Следующая публикация
Нет комментариев