Предыдущая публикация
🔥Зараз лініях электраперадачы ўздоўж палявых дарог можна пабачыць рэдкіх залётных сокалаў-шулёнкаў (кобчик), якія зімуюць у Афрыцы.
Цікава, што гняздуюцца яны адзінкава і калоніямі. Сваіх гнёзд яны не будуюць, а, як і іншыя сокалы, займаюць гнёзды крумкачовых ці дуплы.
#дзікіфакт Сокалы-шулёнкі, як пустэльгі, завісаюць над зямлёй, каб выглядзець дробных грызуноў. А калі палююць на насякомых, могуць лавіць іх лапамі ў паветры. Стракоз, як марозіва, ядуць, летучы і трымаючы лапкамі.😍
Гэты від да другой сусветнай вайны і пасля яе гнездаваўся ў Палессі і на захадзе Беларусі. Яшчэ ў 1990-я гады лічылася, што ў Беларусі недзе гняздуюцца дзясяткі пар. Але нешта не чуваць пра сустрэчы гэтай птушкі ў гнездавы перыяд апошнія 30 гадоў.
Затое падчас восеньскай міграцыі ў жніўні і пачатку верасня дарослыя птушкі з птушанятамі невядома адкуль залятаюць у Беларусь і можна сустрэць нават невялікія чароды гэтых самых яркіх крылатых драпежнікаў Еўропы.
Сокалы-шулёнкі начуюць групоўкамі на міграцыі і на зімоўцы. Учора ўвечары ў Салігорскім раёне птушкары Іна Субоціна, Кацярына і Дзмітрый Гушча і Ганна Валасюк заўважылі аж 142 сокалы-шулёнкі! 🤩
Уважліва глядзі на правады ЛЭП уздоўж палявых дарог – можа, і табе пашчасціць зрабіць класнае назіранне!
Фота А. Вінчэўскага, на здымках можаш пабачыць, як выглядаюць самка, самец і птушаня сокала-шулёнка.
Самка сокала-шулёнка
Самец сокала-шулёнка
Птушаня сокала-шулёнка
Следующая публикация
Комментарии 17