Предыдущая публикация
" Лезги чIалан са кьадар гафар са маса лезги чIалара ваъ, гьакIни Дагъустандин маса чIаларани (авар, дарги, лак ва мсб.
) дуьшуьш жеда. Ихьтин гафарик, месела, агъадихъ галайбур акатда: "мез", "ниси", "къад", "жув", "сам", "цIай", "руьхъ", "цав" ва масабур. Ибур лезги чIалан лексикадин лап цIуру къатариз талукь гафар я. Дагъустандин чIаларин умуми лексикадиз талукь гафар лезги чIала виликди гзаф авай, амма гьам лезги, гьам маса чIалара фонетикадин рекьяй чIехи масакIа хьунар кьиле фин себеб яз, алай вахтунда ахьтин гафар чеб-чпивай бегьем чара хьана, кьилди-кьилдин гафариз элкъвенва. Анжах гекъигунинни тарихдин рекьелди чавай а гафарин дувулар сад тирди тайинариз жезва. Месела, лезги чIалан "сад", "сас", "яц", "варз" гафариз авар, андий, цез, лак, дарги, табасаран ва арчи чIалара гьа и гафарихъ галаз са дувулрикай хьанвай ихьтин гафар талукь я: авар - "цо", "ца", "оц", "моцIицI"; андий - "се", "сал", "унсо", "борцIцIи"; цез - "сис", "сила", "ис", "буци"; дарги - "ца", "цула", "унц", "бадз"; лак - "ца", —, "ниц", "барз"; табасаран - "са" (р, б), "силиб", "йиц", "ваз"; арчи - "ос//са", "сот", "анс", "бац". Лезги чIалан са кьадар гафарин дувулар, инал мисал гъайи саягъ, са Дагъустандин чIаларин лексикайра ваъ, гьакIни михьиз Къавкъаздин суван чIаларин гафарикни дуьшуьш жезва. Амма и жигьетдай чи чIалан лексика чирна-жагъурнавач. Чавай ахьтин гафарикай са шумуд къалуриз жеда: "цIай", "яр", "туьрез"."
Следующая публикация
Нет комментариев