Предыдущая публикация
КАМПЛЕКТАВАННЕ ЎСТАНОЎ АДУКАЦЫІ
Паважаныя бацькі (законныя прадстаўнікі) дзяцей дашкольнага ўзросту Валожынскага раёна!
Упраўленне па адукацыі, спорце і турызме Валожынскага райвыканкама інфармуе аб камплектаванні ўстаноў дашкольнай адукацыі выхаванцамі дашкольнага ўзросту на 2019/2020 навучальны год.
З 15 па 29 мая праводзіцца зверка спісаў дзяцей, якія маюць патрэбу ў 2019 годзе ў прызначэнні ва ўстановы дашкольнай адукацыі, у дашкольныя групы вучэбна-педагагічных комплексаў Валожынскага раёна. Пры звароце неабходна мець пашпарт аднаго з бацькоў (законных прадстаўнікоў) і пасведчанне аб нараджэнні дзіцяці.
Звяртаем ўвагу, што дата звароту ў маі 2019 года не ўплывае на першачарговую магчымасць атрымання месца ва ўстанове дашкольнай адукацыі. Размеркаванне месцаў ажыццяўляецца толькі на падставе даты рэгістрацыі ў спісе пастаноўкі на ўлік.
Зверка спісаў дзяцей, якія маюць патрэбу ў атрыманні месца ў сельскіх установах адукацыі (акрамя аг. Ракаў, Выганічы), здзяйсняецца кіраўнікамі ўстаноў адукацыі па ўзгадненні з упраўленнем па адукацыі, спорце і турызме Валожынскага райвыканкама.
Для таго, каб прызначыць дзіця ва ўстанову дашкольнай адукацыі г. Валожына, аг. Ракаў, г. п. Івянец, неабходна звярнуцца ва ўпраўленне па адукацыі, спорце і турызме Валожынскага райвыканкама па адрасе: г. Валожын, вул. Партызанская, 15, кабінет № 25. Час працы: з 15 па 29 мая 2019 года штодня з 8.00 да 17.00 (перапынак з 13.00 да 14.00).
Камплектаванне ажыццяўляецца на вольныя месцы ва ўстановах адукацыі ў адпаведнасці з узростам дзяцей. Прыём ва ўстановы адукацыі будзе праходзіць ў жніўні бягучага года. Прадастаўленае месца захоўваецца толькі да 1 верасня 2019 года.
Аб выніках камплектавання можна даведацца ў кіраўнікоў устаноў адукацыі з 10 чэрвеня. Сходы з бацькамі будучых выхаванцаў пройдуць на базе ўстаноў дашкольнай адукацыі 26 чэрвеня ў 17.00.
Кантактны тэлефон для дадатковай інфармацыі: 55486.
Следующая публикация
Комментарии 2