Предыдущая публикация
-Ճակատը ամուր պաշտպանված է, սիսիանցիները չեն նահանջի, ոգին շատ բարձր է:Բոլորը հին ու փորձառու տղերք են ,ովքեր պարտություն չեն տեսել:1994թվական հունվար...
Հորադիզի ռազմաճակատ
Հետախուզական տվյալների համաձայն թշնամին այս ճակատում կենտրոնացրել էր 22տանկ,10ՀՄՄ(БМП), 4հրետանային դիվիզիոն, 2 ականանետային մարտկոց, 3500 ազերի զինվոր և սպաներ,200ուկրաինացի վարձկաններ, 500-600 աֆղանական մոջահեդներ:Հետախուզությունը ասում էր թե հիմնական հարվածները ուղղված են լինելու Սիսիանի ուժերի,Եղյանի և Նիկոլ Առուստամյանի գումարտակների ուղղությամբ:
Սիսիանի և Առուստամյանի ուղղությամբ թշնամին կենտորնացրել էր 12 տանկ, 3ՀՄՄ,300 աֆղանցի, 1500 ադրբեջանցի և հրետանու համարյա ողջ կրակը:Մինասյանը որոշում կայացրեց առաջին գիծ տանել հին տղերքին, իսկ ժամկետայիններին տեղավորել երկրորդ գծում:
Օհանյանը անհանգիստ էր և դիրքեր ուղարկեց Հադրութի պաշտպանական շրջանի հրամանատար Վարդան Ավետիսյանին:
Նա ասաց թե եկել հարձակման ուղղությունները որոշելու համար:
Աշոտը Ավետիսյանին դիմելով, ասաց.
-Վարդան ,սիսիանցիները չեն նահանջելու,մեր աջ թևը՝ Գիրոն ու Նիկոլը,կդիմանան,կասկած չունեմ,բայց մեր ձախ թևը՝ Եղյանը,շատ կորուստներ է կրել,թույլ է՝օգնեք նրան:
Ավետիսյանը կապվեց Օհանյանի հետ և զեկուցեց.
-Ճակատը ամուր պաշտպանված է, սիսիանցիները չեն նահանջի, ոգին շատ բարձր է:Բոլորը հին ու փորձառու տղերք են ,ովքեր պարտություն չեն տեսել:
Մինասյանի հրամանով 04:00 արդեն տղերքը դիրքավորված էին:Առավոտյան ժամը 06:00-ին սկսվեց հրետանային նախապատրաստությունը Սիսիանի և նրանից աջ դիրքերի վրա, որը տևեց մոտ երկու ժամ:Ժամը 08:00-ին սկսվեց տանկերի և ՀՄՄ-ների ուղեկցությամբ թշնամու հարձակումը:Այս անգամ ընտրել էին նոր մարտավարություն,որի ժամանակ դանդաղ ընթացող տանկերի հետևից հետևակը սողեսող առաջ էր շարժվում առանց կրակելու:Երբ բավականին մոտեցել էին ,ուռա գոչելով,նետվեցին դիրքերի վրա:Սակայն,հանդիպելով ուժգին կրակի թշնամին ետ շպրտվեց:Եկան թշնամու ինքնաթիռները 3-4 անգամ ռմբահարեցին դիրքերը,որից հետո սկսվեց ականանետային ռմբահարում:Այդ ընթացքում թշնամին և երեք անգամ փորձեց ճեղքել, սակայն ստիպված էր նահանջել:Չորրորդ գրոհը Նիկոլի և Գիրոյի գումարտակնների ուղղությամբ էր ,ովքեր ևս պահեցին իրենց դիրքերը անառիկ:Օրվա վերջում թշնամին փորձեց հարձակվել ներքին զորքերի ուղղությամբ,սակայն նախորոք այստեղ էր կենտրոնացվել Շուշվա գումարտակը, թշնամին ջարդվեց և նահանջեց:
Следующая публикация
Нет комментариев