Предыдущая публикация
Тормыш бит ул сынау, тормыш - көрәш
Көн дә бәйрәм, көн дә туй булмый.
Алга бару җиңел булмаячак,
Тормыш зарланганны яратмый.
Һәр кешенең һәм дә кешелекнең
Яшәү халәте бит ул көрәш.
Максатларың чынга ашсын дисәң,
Яңа үрләр яула һәм көрәш!
Көрәшүдән һич тә туктама син,
Сабыр канатларың сынмасын.
Рәхәт тормыш көтеп утырмачы,
Бәхет капкаларың ачылсын!
Гөлзадә Сафина
#укы
Следующая публикация
Нет комментариев