Предыдущая публикация
Гомер ага...
тагын бер ел үтте...
Бер көн сыман гына тоелды...
Югалту да, табышлар да булды,
Сыналса да, йөрәк ныгыды...
Мин Раббыма рәхмәтлемен бүген,
Сагынып кайтыр туган җирем бар;
Туганнарым тагын кимесә дә,
Кендек каны тамган өем бар...
Еллар үткән саен яшәү кадере
Арта гына, йөрәк яшь әле...
Бала-оныкларның мәшәкатен,
Куанычын тоеп яшәлде...
Яшьтә түгел хикмәт, күңел белән
Яшәрүдә ахры, минемчә...
Безгә насыйп булган гомерләрне
Яшик әле шушы көенчә!
Гөлнур Мөхәммәтханова
#укы
Следующая публикация
Комментарии 2