Предыдущая публикация
Менгән чакта тормыш үрләреннән
Кинәт кенә әгәр абынсаң ,
Торып бас син, берни булмагандай,
Авыр булыр иде егылсаң!
Дус дип санап йөргән иптәшләрең
Әгәр сиңа аяк чалсалар,
Аңлар алар дуслык кадерләрен,
Ярдәмчесез беркөн калсалар.
Максатыңа тизрәк ирешер өчен,
Туктап калма берни алдында.
Аллаһ үзе туры юл күрсәтер
Ялгышларсыз гына барганда.
Үткәннәргә, зинһар, кагылма син,
Уйландырсын бары киләчәк.
Тайпылма һич барган үз юлыңнан,
Алда матур тормыш көтәчәк!
Гөлзадә Сафина
#укы
Следующая публикация
Комментарии 3