Предыдущая публикация
Бер канаты сынган коштай.
Парсыз хатын, ялгыз хатын.
Бер ялгызы тырыша ул.
Тыңлатырга тормыш атын..
Очар кошлар бер канатсыз
Оча алмый җиргә ята.
Ялгыз хатын тормыш йөген
Бер иңенә салып тарта.
Ялгыз көнен ялгыз аңлый,
Пар канатлы күкләр гизә.
Тәкьдиренә язылганны
Ялгыз калган сыкрап түзә.
Ялгызларның җаны китек,
Ялгыз төне тулы сагыш.
Иңнәренә басып аның
Сындырмакчы зәһәр язмыш.
Кагылмагыз ялгызларга,
Яңартмагыз яраларын!
Бер кем белми, кемнең кайчан
Шул хәлләрдә калачагын.
Кадрия Фатыхова
#укы
Следующая публикация
Комментарии 10