Предыдущая публикация
Төннәр бигрәк озын инде хәзер...
Таң атканын көтеп алалмыйм.
Үткәннәрнең - үтеп киткәннәрнең
Ишекләрен һаман ябалмыйм...
Үткән белән нигә яшим икән?
Борчыганга микән бүгенгем?
Үткәннәре белән яшәгәннәр
Бер мин генә әле түгелмен...
Онытырга мөмкинме соң инде...
Истә, һаман истә үткәннәр...
Минем кебек таңны аттыралмый,
Үткәннәрен бүген сүткәннәр...
Гөлфизә Кәлимуллина
#укы
Следующая публикация
Комментарии 1