Сёння свой 75-гадовы юбілей адзначае беларускі пісьменнік, публіцыст і сцэнарыст Георгій Васільевіч Марчук.

Нарадзіўся ў г. Давыд-Гарадок. У 1965 г. скончыў сярэднюю школу 2. У 1973 г. завочна скончыў Беларускі тэатральна-мастацкі інстытут па спецыяльнасці "Тэатразнаўства". З 1975 па 1977 г. з'яўляўся слухачом Вышэйшых курсаў сцэнарыстаў і рэжысёраў у Маскве.
З 1980 года працаваў кінарэжысёрам на кінастудыі "Беларусьфільм", загадчыкам літаратурнай часткі тэатра-студыі кінаакцёраў. З'яўляўся дарадцам міністра культуры Рэспублікі Беларусь (1990-1994). А з 1996 па 2002 г. займаў пасаду дырэктара выдавецтва "Мастацкая літаратура". Таксама быў сакратаром Саюза пісьменнікаў Беларусі, Грамадскай рады па маральнасці, створанай у 2009 годзе.
Георгій Васільевіч дэбютаваў у літаратуры аднаактавай п'есай "Выкраданне Алены" у 1971 годзе, а ў 1983 г. з'явіўся яго першы раман 'Крык на хутары". За сваю творчую дзейнасць з'яўляецца аўтарам 8 раманаў, 50 п'ес, 100 навэл, 60 казак, 500 афарызмаў для дзяцей і дарослых.
Яго раман "Кветкі правінцыі" быў экранізаваны ў 1994 г., а зборнік навэл "Хаос" прызнаны лепшай кнігай у 1997 г.
У 1996 г. стаў лаўрэатам Дзяржаўнай прэміі Беларусі.
У 2009 і 2010 г. станавіўся намінанта на Нобелеўскую прэмію па літаратуры.