Предыдущая публикация
👍🎖Анай ӟыгыртӥз кадь...
«Пыриськоно ке, вормоно!» шуизы сюмсиос.
«Гурт адями» конкурсысь «Ӟеч сюлэм» номинацие ӵектӥзы Зун черкогуртысь культурая юртын ужасез Галина Соболеваез, нош вормон басьтон понна быдэс ёросэн куара бичазы.
— «Гурт адями» конкурс сярысь вазен но тодӥсько вал, — шуэ Галина Соболева. — 2017-тӥ арын ёросысьтымы ик Евдокия Михайловна Ильиных та конкурсын вормись луиз вал. Кылем арын декабрь толэзе жингыртӥз ёрос газетамы ужась Раиса Волкова но конкурсэ пыриськыны ӵектӥз. Мынам сыӵе сямы вань: котькытчы пыриськыны соглаш кариськисько, бӧрысь трос сюлмаськоно луэ ке но.
Галина Николаевна «Гурт адями» конкурсын котькинлэсь трос, 2 сюрс 403, куара люказ, со пӧлысь 1 сюрс 362-ез вал кинюртэмъёс. Кышномурт шумпотэ, ваньмызлы тау каре. Угось Сюмси ёросысь сяна, вормон басьтыны юрттӥллям на Уваысь тросэз огазеяськонъёс, Москваысь но Хакасиысь эшъёсыз, спецоперацие пыриськись пиослэн анайёссы. Ачиз но Галина Николаевна спецоперацие келяз кузпалзэ но, 3 пиоссэ но.
Сюмси ёросысь Орловское черкогуртысь школаын ортчем ужрад дыръя Галина Соболевалы бадӟым кышет сётӥзы. Шумпотонэз дурыныз пачылаз, таӵе кышет анае нуллэ вал, нош туннэ со ӟыгыртӥз кадь монэ, шуиз. Тау, егит дырме, анайме тодам вайытэмды понна. Та кышетэз табере туж дунъяса возё, шуиз Галина Николаевна.
#гуртадями #данъяськымон #конкурс
Туспуктӥз Максим Егоров.
Галина Соболева сярысь пыр-почгес тодыны быгатоды 11-тӥ мае потэм "Тӧр шорын" рубрикаысьтымы татысь: https://disk.yandex.ru/d/iaPhZMtOTCRYWA Авторез: Валентина Емельянова
Следующая публикация
Нет комментариев