Предыдущая публикация
Апостолу Тимофею Ефесскому
Тропарь, глас 4
Бла́гости научи́вся и трезвя́ся во всех,благо́ю со́вестию священноле́пно обо́лкся,поче́рпл еси́ от сосу́да избра́ннаго неизрече́нная,и ве́ру соблю́д, ра́вное тече́ние соверши́л еси́, апо́столе Тимофе́е.
Моли́ Христа́ Бо́га,спасти́ся душа́м на́шим.
Преподобномученику Анастасию Персянину
Тропарь, глас 4
Му́ченик Твой, Го́споди, Анаста́сий во страда́нии свое́м вене́ц прия́т нетле́нный от Тебе́, Бо́га на́шего, име́яй бо кре́пость Твою́,мучи́телей низложи́, сокруши́ и де́монов немощны́я де́рзости.
Того́ моли́твами спаси́ ду́ши на́ша.
Апостолу Тимофею Ефесскому и преподобномученику Анастасию Персянину
Кондак, глас 1
Боже́ственнаго ученика́ и спутеше́ственника Па́влова Тимофе́я,ве́рнии воспои́м вси́, с сим почита́юще му́драго Анаста́сия,возсия́вшаго от Перси́ды я́ко звезду́,и отгоня́щаго душе́вныя на́ша стра́сти и неду́ги теле́сныя.
Следующая публикация
Комментарии 8