Предыдущая публикация
👋Ырă кун пултăр, хаклă вулаканăмăрсем!
«Тăван Ен» хаçатăн черетлĕ номерĕпе паллашма хатĕр-и? Ăна яланхиллех почта уйрăмĕсенче тата пирĕн редакцире туянма пулать.
Номерте:
📝«Паттăр ячĕ вилĕмсĕр». Çĕнĕ Тренккассинче çуралса ÿснĕ Дмитрий Семенов кăçал 34 çул тултармаллаччĕ. Вăл 1989 çулхи юпа уйăхĕн 24-мĕшĕнче çуралнă. Паттăра ентешĕсем манмаççĕ. Акă, кăçал та унăн çуралнă кунĕ умĕн Тренккассинчи вăтам шкулта «Паттăрлăх урокĕ» иртнĕ.
📝«Кĕркунне – тимлĕрех пулмалли вăхăт». Кĕркунне эпир ăшăтмалли хатĕрсемпе, кăмакасемпе ытларах усă курма тытăнатпăр, çавăнпа та вут-кăвар тухас хăрушлăх ÿсет. Хутса ăшăтмалли сезон пуçланнă май эпир хăрушсăрлăх йĕрки пирки Раççей МЧСĕн Чăваш Республикинчи тĕп управленийĕн Шупашкар муниципалитет округĕнчи надзорпа профилактика ĕçĕн пай дозноватĕпе Алексей Мешковпа калаçрăмăр.
📝«Йышпа тунă ĕç ÿсĕмлĕ». Шупашкар муниципалитет округĕнчи Депутатсен пухăвĕнче пурĕ 21 депутат. Çак ушкăна паян Сергей Ванюшкин ертсе пырать. Хаçатра «Депутат сăмах илет» рубрикăна уçма шухăшларăмăр. Çавна май Депутатсен пухăвĕн председателĕпе Сергей Ванюшкинпа курса калаçрăмăр.
📝«Узнают даже на улице». Кÿкеçре пурăнакан Сергей Трофимов федераллă каналпа пыракан пĕр паллă телешоуна хутшăнса вырăнти «çăлтăр» пулнă теме те юрать. Ара, Сергей Олеговича çынсем урамра та палласа илеççĕ те «Шоуна эсир хутшăннă-и?» тесе ыйтаççĕ, саламлаççĕ.
📝«Питерские чуваши» вкладыш кăлартăмăр. Унта Питĕр тăрăхĕнче пурăнакан чăвашсем çинчен çырса кăтартрăмăр. Паллах, ахальтен мар ку. Çитес вăхăтра çырса пĕлтерĕпĕр.
📝«Пĕчĕк ÿсĕмсемпе малаллах утатăп». Алена Иванова сиплĕ курăкпа коронавирус сарăлнă вăхăтра кăсăкланма пуçланă. Халĕ вăл лаптăк илсе улмуççирен пуçласа сиплĕ курăк таран çитĕнтерме, сад ĕрчетме шухăшлать. Шупашкар муниципалитет округĕнче юпа уйăхĕн 20-мĕшĕнче иртекен «70 те 7 сиплĕ курăк» фестиваль-конкурса хутшăнса Вăрман-Çĕктер территори пайĕн чысне хÿтĕлет.
Следующая публикация
Комментарии 2