Предыдущая публикация
«Лукашэнка — самы прарасейскі чалавек у Беларусі»
Падчас працоўнага візіту ў Польшчу Святлана Ціханоўская паразмаўляла з выданнем TVP World. У інтэрв’ю беларуская лідарка закранула ролю Лукашэнкі напярэдадні бязвыбараў-2025, пагрозу суверэнітэту Беларусі і падтрымку з боку міжнароднай супольнасці.
Асноўныя моманты размовы:
📌 Саюз Лукашэнкі з Пуціным
«Лукашэнка –- самы прарасейскі чалавек у Беларусі. Ён гатовы ахвяраваць нашым суверэнітэтам для таго, каб застацца ва ўладзе. Пуціну таксама патрэбны Лукашэнка: ён вельмі танны партнёр для таго, каб мець такую велізарную тэрыторыю. І, падаецца, ім лёгка маніпуляваць. Безумоўна. Але зноў жа – калі ўзгадаць сітуацыю з Асадам– яны могуць здрадзіць адзін аднаму ў любы момант».
📌 Роля Лукашэнкі ў палітыцы
«На працягу многіх гадоў Лукашэнка адыгрываў ролю арэляў. Узімку ён сябраваў з Пуціным праз танны газ і нафту. Улетку, калі яму былі патрэбныя грошы, - ён звяртаўся ўжо да Еўропы. Але цяпер ён марыянетка Пуціна: ён ужо не можа прымаць ніякіх асабістых рашэнняў у Беларусі, акрамя рэпрэсій. Таму Лукашэнка свабодна прадаставіць нашы тэрыторыі Пуціну, калі яны зноў спатрэбяцца для нападу на Украіну».
📌 Падрымка міжнароднай супольнасці
«Ведаеце, мы хочам, каб свет праводзіў паслядоўную палітыку ў дачыненні да Беларусі, ствараў як мага больш ціску на рэжым Лукашэнкі, каб ізаляваць і аслабіць яго палітычна, эканамічна. Але мы павінны ўраўнаважыць гэта падтрымкай беларускага народа. За чатыры гады пастаянных рэпрэсій у Беларусі наш народ не здаўся. Мы ўсё яшчэ працягваем змагацца ў Беларусі, падпольна, за яе межамі, у выгнанні».
Следующая публикация
Комментарии 4
Жыве Беларусь!