Предыдущая публикация
«Змены ў палітычнай сістэме – ключавое пытанне для паляпшэння ўзроўню жыцця і ўстойлівага развіцця»
Алесь Аляхновіч, дарадца Святланы Ціханоўскай па эканамічных рэформах, у эфіры Свабода Premium
прааналізаваў уплыў савецкай спадчыны на Беларусь, прычыны папулярнасці Лукашэнкі ў 1994 годзе і ўплыў дапамогі ад Расіі на эканамічнае развіццё Беларусі.
Асноўныя моманты з размовы:
Як СССР паўплываў на эканамічную сітуацыю ў Беларусі:
«Савецкая спадчына моцна паўплывала на людзей: масавыя рэпрэсіі, напрыклад, у Курапатах, калі інтэлігенцыя была ліквідаваная; ліквідацыя прыватнай уласнасці на ўсё: на зямлю, на сродкі вытворчасці. Інавацыйнасць і канкурэнтнасць не ўхваляліся, а, наадварот, караліся. Менавіта адсюль з’явіліся прымаўкі накшталт: «Не высоўвайся. Цішэй едзеш – далей будзеш». Усё гэта з’явілася ў тым ліку з-за савецкай улады».
Чаму людзі ў 1994 годзе прагаласавалі за Лукашэнку:
«У апошнія дзесяцігоддзі савецкага часу Беларусь яшчэ развівалася, і эканамічныя паказчыкі былі досыць неблагія. Гэта адна з прычынаў, чаму ў 1994 годзе людзі прагаласавалі за Лукашэнку і вяртанне да савецкіх часоў, калі фабрыкі працавалі, заробкі і пенсіі выплачваліся, а эканоміка расла ў звыклым рытме. У 1991 годзе, падчас распаду СССР, у большасці людзей не было разумення, што трэба нешта новае. Але ў 2020 годзе людзі ўжо ясна разумелі, што яны хочуць іншага, што грамадства вырасла з-пад кіраўніцтва, якое больш не адпавядае іх патрэбам».
Як дапамога Расіі і ЕС уплывае на эканамічнае развіццё Беларусі і Польшчы:
«Беларусь у працэнтным эквіваленце атрымлівае ад Расіі ў 4-5 разоў больш, чым Польшча ад Еўрасаюза. Напрыклад, Польшча ад Еўрасаюза атрымлівае прыблізна 2-3% ад свайго валавага ўнутранага прадукту (ВУП) штогод. Беларусь жа ад Расіі, пачынаючы з 2000-х гадоў і да сёння, у сярэднім эканоміла каля 15% свайго ВУП, цяпер крыху менш – каля 10-15%. Аднак вынікі гэтых дапамогаў зусім розныя. Польшча – краіна, якая набліжаецца да перадавых заходніх краінаў і інтэнсіўна развіваецца. Беларусь жа, наадварот, застаецца ў стагнацыі і становіцца адной з самых бедных краінаў Еўропы».
Следующая публикация
Нет комментариев