Предыдущая публикация
«Адзінае, чаго хочуць беларусы ад выбараў – гэта свабодны і сумленны працэс з незалежным міжнародным назіраннем»
Святлана Ціханоўская ў інтэрв’ю CNBC International распавяла пра сітуацыю ў Беларусі напярэдадні «бязвыбараў-2025», адзначыла, як беларусы супрацьстаяць рэпрэсіям і што можа зрабіць дэмакратычны свет, каб дапамагчы краіне вярнуцца да свабоды і справядлівасці.
3️⃣ асноўныя пытанні, на якія адказала беларуская лідарка:
📌 Якая сітуацыя напярэдадні #бязвыбары2025?
«Лукашэнка прайграў выбары 2020 года, і ён не мае права прадстаўляць Беларусь. Але цяпер не час для масавых пратэстаў. Практычна немагчыма зрабіць што-небудзь прыкметнае ў краіне, таму што ўжо чатыры гады мы перажываем надзвычай жорсткія рэпрэсіі. Наш рух пайшоў у падполле. Беларусы поўныя энергіі. Але я не хачу, каб людзі выходзілі на вуліцы толькі дзеля таго, каб дарэмна ахвяраваць сабой, нічога не атрымліваючы, бо гэта не той момант. Таму мы працягваем аказваць ціск на рэжым, умацоўваць нашы дэмакратычныя сілы, нацыянальную ідэнтычнасць, і такім чынам супрацьстаяць рэжыму».
📌 Як дэмакратычныя краіны могуць перамагчы?
«Толькі беларускі народ можа забяспечыць дэмакратыю ў краіне. Мы не хочам, каб замест нас ваявалі іншыя народы. Але ні адна вайна, ні адна барацьба за дэмакратыю не можа быць выйграная, калі ў вас няма саюзнікаў. Таму, вядома, мы просім нашых дэмакратычных партнёраў заставацца паслядоўнымі і не прызнаваць дыктатара Лукашэнку. Таму працягвайце палітыку санкцыяў у дачыненні да дыктара і яго паплечнікаў. Санкцыі вельмі балючыя для рэжыму. Мы павінны гарманізаваць санкцыі паміж Расіяй і беларускім рэжымам, каб закрыць любыя шчыліны».
📌 Як вы знаходзіце сілы рухацца далей?
«Шчыра кажучы, у мяне няма выбару. Таму што людзі далі мне гэты мандат, каб прывесці Беларусь да свабодных і сумленных выбараў. Я ведаю, што пакуль мы не дэмантуем рэжым, мой муж і тысячы людзей будуць сядзець за кратамі. Таму я ператвараю свой асабісты боль у энергію. Я ведаю, што людзі за кратамі спадзяюцца на нас. Яны ведаюць, што іх можа выратаваць толькі беларускі народ. Беларускі народ павінен быць моцным, павінен карыстацца падтрымкай дэмакратычнага свету і аслабляць рэжым. Толькі такімі крокамі мы зможам аднавіць справядлівасць і вярнуцца ў Беларусь».
Следующая публикация
Комментарии 1
Что, котлета,опять не ты