Предыдущая публикация
Таццяна Шчытцова ў Берліне: падтрымка беларускай навукі праз міжнароднае супрацоўніцтва
Дарадца Святланы Ціханоўскай па пытаннях адукацыі і навукі здзейсніла рабочы візіт у Берлін і прыняла ўдзел у мерапрыемствах, прысвечаных падтрымцы беларускіх навукоўцаў.
У рамках візіту прафесарка выступіла на панэльнай дыскусіі «Акадэмічная свабода ў Беларусі: дзяржаўныя рэпрэсіі і іх наступствы ў краіне і за яе межамі», арганізаванай у супрацоўніцтве з German Association for East European Studies.
«Захад часта ўспрымае сітуацыю ў Беларусі праз прызму аднаго тэзіса: гэта не вайна. Такі падыход аўтаматычна зніжае цікавасць да Беларусі і абмяжоўвае магчымасць зразумець драматычныя выпрабаванні, з якімі сутыкаюцца беларусы»,
– падкрэсліла Шчытцова.
Таксама ў Берліне адбыліся сустрэчы з прадстаўнікамі асацыяцыі Academic Network Eastern Europe у межах праекта Science at Risk Emergency Office і Міхаэлем Новакам – кіраўніком аддзела Федэральнага міністэрства замежных справаў Германіі па пытаннях Расіі і Беларусі.
Таццяна Шчытцова вылучыла некалькі прапановаў па развіцці супрацоўніцтва:
▫️пашырэнне стыпендыяльнай праграмы DAAD для беларускіх студэнтаў;
▫️стварэнне стыпендыяльнай праграмы для маладых навукоўцаў у галіне сацыяльных і гуманітарных навукаў;
▫️выдзяленне грантаў для сумесных беларуска-германскіх даследчых праектаў;
▫️стварэнне міждысцыплінарнага цэнтра для вывучэння Беларусі ў еўрапейскім кантэксце.
Асноўным вынікам сустрэчы стала дамоўленасць аб правядзенні ў 2025 годзе наступнага раунда перамоваў з удзелам прадстаўнікоў нямецкіх акадэмічных інстытуцыяў і фондаў.
Следующая публикация
Нет комментариев