Предыдущая публикация
«Мы ўжо бачым абсалютны кансэнсус сярод нашых дэмакратычных партнёраў наконт таго, што Лукашэнка дарма спадзяецца на вяртанне да фармату business as usual з Захадам»
У інтэрв'ю RFI Святлана Ціханоўская распавяла пра стратэгію дэмакратычных сілаў у перыяд прызначаных рэжымам Лукашэнкі на 26 студзеня прэзідэнцкіх «выбараў».
Асноўныя моманты з размовы:
📌 Значэнне #бязвыбары2025 для беларусаў і Захаду:
«Галоўны мой тэзіс – тое, што арганізоўваецца рэжымам у Беларусі, не мае ніякага дачынення да выбараў. Беларусам гэта і тлумачыць не трэба. І я ўжо бачу абсалютны кансэнсус сярод нашых дэмакратычных партнёраў наконт таго, што вяртання ў канцы студзеня ў рэжым business as usual з Мінскам не будзе».
📌 Стратэгія дзеянняў для беларусаў у Беларусі:
«У грамадстве, у якім 4 гады ні на дзень не спыняюцца рэпрэсіі, які-небудзь пратэст цяпер немагчымы, нават мірны. Але ёсць запыт у беларусаў нешта ў гэты дзень рабіць. Зразумела, што ніхто не будзе лічыць галасы, зразумела, што не будзе ніякіх сумленных назіральнікаў. Але мы таксама ведаем, што ў Беларусі ёсць практыка загнаць людзей на выбарчыя ўчасткі, каб паказаць масавасць і гэтак далей. Таму мы просім тых, хто трапляе на псеўдагаласаванне на ўчасткі, галасаваць супраць усіх».
📌 Стратэгія дзеянняў для беларусаў за мяжой:
«Што тычыцца тых беларусаў, хто знаходзіцца за мяжой і можа дзейнічаць больш адкрыта, то ў нас будзе праведзеная маштабная медыякампанія напярэдадні дня так званых выбараў. У нас будзе ў гэты дзень масавае мерапрыемства ў Варшаве. Мы заклікаем усе нашыя беларускія дыяспары ва ўсіх краінах таксама распавесці пра гэтую сітуацыю і выкарыстаць гэты дзень, каб прыцягнуць увагу да рэпрэсіяў у Беларусі, да пагрозаў нашай незалежнасці, сказаць пра неабходнасць падтрымкі нашай грамадзянскай супольнасці. Таму што фокус сусветнай увагі ўжо, вядома, не на Беларусі – і мы павінны вельмі шмат працаваць, каб падтрымліваць увагу да праблемаў нашай краіны».
Следующая публикация
Нет комментариев