Предыдущая публикация
«Пасля «бязвыбараў» палітыка нашых партнёраў у дачыненні да Беларусі будзе такой, як і цяпер: ціснем на Лукашэнку, дапамагаем людзям»
Падчас працоўнага візіту ў Эстонію Святлана Ціханоўская дала вялікае інтэрв’ю ERR.ee , дзе патлумачыла, чаму #бязвыбары2025 не легітымізуюць Лукашэнку ў вачах беларусаў і Захаду.
«Для беларусаў перавыбары Лукашэнкі нічога палітычна не зменяць. Гэта не легітымізуе дыктатара ў вачах беларусаў. Нашая задача – каб гэтыя «выбары» наогул не абмяркоўваліся нашымі заходнімі партнёрамі. Рэжым разлічвае, што заходнія палітыкі падумаюць: «Нешта адбылося, можа, разгледзім Лукашэнку ўжо як легітымнага?». Але такіх настрояў няма наогул.
Усе разумеюць: краіна, дзе няма свабодных СМІ, дзе разбураная грамадзянская супольнасць, дзе палітычныя апаненты альбо ў турме, альбо за мяжой – гэта палітычная пустыня.
Сілавая акцыя з боку рэжыму не спыняецца чатыры гады, і мы бачым, што перад «бязвыбарамі» рэпрэсіі ўзмацніліся. Цяпер праводзяцца рэйды на пэўныя гарады: гэта значыць, у дзень выклікаюць на допыты і садзяць у турму па 100-150 чалавек у адной мясцовасці. За чатыры гады Лукашэнка ўсё яшчэ баіцца людзей. Тыя, хто падтрымліваюць рэжым, разумеюць: ім трэба зноў і зноў праводзіць чысткі, бо гэта адзіная гарантыя таго, што людзі не з'явяцца на вуліцах.
Таму Захад не прызнае Лукашэнку. І далей палітыка ў дачыненні да Беларусі будзе такой, як цяпер: ціснем на Лукашэнку, дапамагаем беларусам».
Следующая публикация
Комментарии 9