Предыдущая публикация
Бяспечная ананімная форма для фіксацыі парушэнняў у Беларусі
26 студзеня ў Беларусі пройдуць #бязвыбары2025 – чарговая спроба рэжыму Лукашэнкі ўтрымаць уладу, ігнаруючы волю беларускага народа. На фоне гэтага сітуацыя ў краіне толькі пагаршаецца: колькасць арыштаў, затрыманняў і пераследаў імкліва расце. Гэта даказвае: прэзідэнцкія «выбары» не пра дэмакратыю, а пра яе інсцэніроўку, якая мае мэтай стварыць ілюзію легітымнасці і працягнуць рэпрэсіі супраць тых, хто змагаецца за незалежнасць і свабоду.
Каб праўду пра сітуацыю ў Беларусі пачулі людзі ва ўсім свеце, а кожнае парушэнне правоў чалавека і закона было зафіксавана, каманда Офіса Святланы Ціханоўскай стварыла ананімную форму для перадачы інфармацыі. Праз яе вы можаце бяспечна падзяліцца ўсім, што лічыце вартым.
Чаму гэта важна?
1. Мы павінны сабраць усе факты пра злачынствы рэжыму, каб у будучыні вінаватыя панеслі адказнасць.
2. Вашая інфармацыя застаецца ананімнай і надзейна абароненай: мы не запытваем вашыя асабістыя дадзеныя, а сувязь шыфруецца пратаколамі SSL/TLS.
3. Гэта бяспечны і просты спосаб унесці свой унёсак у барацьбу за праўду.
📌 Фіксуйце, каб не забыць, і дзяліцеся, каб не маўчаць.
Беларусы вартыя лепшай будучыні. Разам мы зможам пераадолець любыя перашкоды і зрабіць краіну свабоднай і справядлівай.
Жыве Беларусь!
Следующая публикация
Нет комментариев