Предыдущая публикация
«Голас «супраць усіх» дае магчымасць беларусам бяспечна выказаць нязгоду»
Галоўны дарадца Святланы Ціханоўскай Франак Вячорка даў інтэрв'ю Malanka Media – і распавёў пра стратэгію дэмакратычных сілаў на «Бязвыбары-2025».
Вось ключавыя тэзісы з размовы:
📌 Планы на выбары:
«Галоўнае — мы не прызнаем выбары і будзем дамагацца непрызнання сярод беларусаў і міжнароднай грамадскасці. Нам важна, каб беларусы мелі магчымасць выказаць пратэст, і каб гэтая кампанія мабілізавала міжнародную ўвагу і падтрымку для беларусаў. Мы не можам заклікаць людзей да вулічных пратэстаў, але мы павінны даць ім альтэрнатыўную прапанову, як гэта зрабіць».
📌 Тактыка галасаваць «супраць усіх»:
«Галасаваць супраць усіх — гэта дзеянне для тых, каго загоняць на ўчасткі, прымушаючы прагаласаваць. Лукашэнка крыміналізаваў байкот у Беларусі. Таму голас «супраць усіх» дае магчымасць беларусам бяспечна выказаць нязгоду. Але тыя, хто байкатуюць і не ўдзельнічаюць у гэтых бязвыбарах, – таксама такім спосабам выказваюць пратэст. Самае важнае — каб Лукашэнка адчуваў ціск беларусаў».
📌 Змены ў заходняй палітыцы:
«Няма ніякага значэння, якую яўку і адсотак напіша сабе Лукашэнка на выбарах. Мы арыентуемся на тое, як дапамагчы беларусам паказаць пратэст, і як паказаць міжнароднай грамадскасці, што гэта не выбары. Пасля 26 студзеня не здарыцца ніякай змены заходняй палітыкі, якія б жэсты і сігналы не рабіў Лукашэнка».
📌 Прыярытэты Лукашэнкі:
«Паводзіны Лукашэнкі цяпер паказваюць, што ён не мае падтрымкі, упэўненасці. Ён ніякім чынам не прадстаўляе інтарэсы беларусаў. Трэба паказваць, што Лукашэнка і беларускі народ не маюць нічога агульнага, бо яго цікавяць не беларусы, а расіяне і падтрымка Пуціна».
📌 Вызваленне палітычных зняволеных:
«Рана ці позна Лукашэнку давядзецца выпускаць палітвязняў. Мы бачым, што ён ужо пачынае гэта рабіць. Але ён баіцца паўтарэння 2020 года перад выбарамі, таму я б не стаў спадзявацца на вялікія змены да студзеня. Рэжым спрабуе маніпуляваць палітвязнямі, каб дэмаралізаваць дэмакратычную супольнасць. Але мы працягнем свой ціск, каб дамагчыся вызвалення ўсіх палітычных зняволеных».
03:30
Следующая публикация
Комментарии 11