Предыдущая публикация
Ашығып ҡына уҙа ғүмер
Донъялар көтәмен тип.
Тегеһе етмәй, быныһы кәрәк,
Тик ваҡыт етмәйҙер ник.
Осрашҡанда һөйләшергә,
Күгәрсендәй гөрләшергә
Етмәй ваҡыт бер-береңдең
Хәлдәрен белешергә.
Үтә ғүмер, үтә ғүмер,
Тотоп булмай үткәрмәй,
Бергәләшеп серләшергә
Ваҡыттарҙы еткермәй.
Әммә ҡартлыҡ ваҡыт юҡҡа
Һис кенә лә ҡарамай,
Көттөрмәйсә ҡыуа килә.
Ғүмер үтә аңламай.
Следующая публикация
Нет комментариев