Предыдущая публикация
ՏԻԳՐԱՆ ԽԶՄԱԼՅԱՆԸ ՆԿԱՐԱՀԱՆԵԼ Է ԱԼԵՔՍԱՆԴՐ ԹԱՄԱՆՅԱՆԻ ՄԱՍԻՆ ՊԱՏՄՈՂ «ԵՐԵՎԱՆԻ ԳԼԽԱՎՈՐ ԳԱՂՏՆԻՔԸ» ՖԻԼՄԸ
20-րդ դարի ականավոր ճարտարապետ Ալեքսանդր Թամանյանի կյանքին ու ճակատագրին է նվիրված կինոռեժիսոր Տիգրան Խզմալյանի հեղինակած «Երեւանի գլխավոր գաղտնիքը» փաստավավերագրական կինոնկարը, որի նորամուտը կայացավ հոկտեմբերի 10-ին վարպետի անվան թանգարանում` հարազատների եւ ԶԼՄ-ների ներկայությամբ: Սա «Հայաստան. 20-րդ դար» ֆիլմաշարի 11-րդ ֆիլմն է: Հեղինակի խոսքերով, Սանկտ Պետերբուրգի գեղարվեստի ակադեմիայի սանը, ում վստահավել է ռուսական մշակույթի պահպանությունը, ով նախագծել եւ կառուցել է Սանկտ Պետերբուրգի եւ Մոսկվայի պալատական բազմաթիվ շինությունները, եղել է ռուսական պալատի ճարտարապետը իր կարճատեւ կյանքի ընթացքում հասել է փառքի գագաթին, սակայն ունեցել է դժբախտություններ (կորցրել է երկու դուստրերին), տեսել` մատնություն, դավաճանություն, հալածանք եւ մնացել մաքուր ու անբասիր ինչպես իր ստեղծագործությունները: Տիգրան Խզմալյանի տեղեկացրեց, որ այս թանգարանում էլ հենց ինքը բացահայտել է մեծ գիտնականի ու ճարտարապետի արվեստի գաղտնիքը` մեկ ընտանեկան նկարի միջոցով. Թամանյանի եւ նրա անգլուհի կնոջ` Կամիլա Էդվարդսի: Ռեժիսորը խորությամբ ուսումնասիրել է Թամանյանի արխիվը եւ համոզվել, որ Երեւանի կառուցման գաղտնիքը հենց ճարտարապետի եւ նրա կնոջ` Կամիլայի մեծ սերն է եղել: Ըստ Խզմալյանի, Երեւանը շատ գաղտնիքներ ունի. «Մենք ապրում ենք պառակտման շրջանում եւ մեզ բոլորիս միացնում է Երեւանի նկատմամբ ունեցած մեր սերը: Ես փորձել եմ բացահայտել Երեւանի գաղտնիքը, որն, ըստ իս, Թամանյանի եւ նրա կնոջ մեծ սերն է»: «Սա շատ կարեւոր է ասել հենց այսօր, որ այս քաղաքի հիմքում սեր է դրված, սեր` կնոջ եւ տղամարդու միջեւ: Եվ այն ինչ արվում է քաղաքում պետք է սիրով արվի, եթե մենք ուզում ենք փրկել մեր քաղաքը, մեր երկիրը, եւ ունենալ ապագա»,- ասաց Տիգրան Խզմալյանը: Ռեժիսորը համոզված է, որ եթե չլիներ սերը, Երեւանը չէր լինի այդքան գեղեցիկ: Իսկ հիմա, ըստ նրա, շինհրապարակ դարձած Երեւանը կառուցապատվում է առանց սիրո ու քնքշանքի, ինչի արդյունքում էլ «ունենք այն, ինչ ունենք. քառակուսի, անհրապույր ու վանող շենքեր ու կառույցներ` ներկված ու մաքրված խրտվիլակի նման»:44:02
Следующая публикация
ՍՏԱՄԲՈՒԼԻ ՃԱՐՏԱՐԱՊԵՏԱԿԱՆ ԴԻՄԱԳԻԾԸ ԿԵՐՏԵԼ ԵՆ ՊԱԼՅԱՆՆԵՐԸ
Нет комментариев