Хәйбуллалар сираттағы гуманитар ылауҙы тейәп, алғы һыҙыҡҡа оҙатты.

Махсус хәрби операция башланғандан алып Хәйбулла районынан да һәр ваҡыт яугирҙарға гуманитар ярҙам оҙатыла.
Район халҡынан, МХО-ла ҡатнашыусыларҙың туғандарынан, яҡындарынан шәхси посылкалар, генераторҙар, шөрөп борғостар, иретеп-йәбештереү аппараты, бензин бысҡылары, маскировкалау селтәрҙәре, дронға ҡаршы одеялдар, газ баллондары, шәхси гигиена, көнкүрештә ҡулланырға кәрәк-яраҡ, аҙыҡ-түлек, кейемдәр һәм яугирҙарға кәрәкле башҡа әйберҙәр автомобилдәргә тултырылды.
Гуманитар ылауҙа хәйбуллалар йыйған аҡсаға “Тыуған тыл. Хәйбулла” төркөмө ирекмәндәре һатып алған ҡиммәтле приборҙар һәм мотоцикл тейәлде һәм мунса ла ылауға ҡушылды.