Предыдущая публикация
Бөгөн танылған ҡурайсы, Хөсәйен Әхмәтов исемендәге башҡорт дәүләт филармонияһы солисы, Башҡортостандың халыҡ артисы Рушан Салауат улы Биктимеровтың тыуған көнө, уға 50 йәш тула.
Рушан Салауат улын мөбәрәк байрамы менән ҡотлайбыҙ, сәләмәтлек һәм
ижади уңыштар теләйбеҙ
Рушан Биктимеров үҙенең алтын юбилейын концерт менән билдәләй, ижади эшмәкәрлегенең 30 йыллығын ул ижадташ дуҫтары менән бергә сәхнәлә ҡаршы ала. 2 февралдә Башҡорт дәүләт филармонияһында уның юбилей кисәһе үтә.
Рушан Салауат улы 30 йыл ғүмерен сәнғәткә ҡурайҙа уйнауға бағышлай. Ул республика, Рәсәй төбәктәре һәм донъя илдәре буйлап күп концерттарҙа башҡорт ҡурайын данланы.
«Башҡортостан» телерадиокомпанияһының алтын фондында Рушан Биктимеров башҡарыуында халыҡ һәм эстрада көйҙәренең яҙмалары бар. Шулай уҡ музыкант үҙенең ИКЕ DVD-альбомын сығара: «Ҡурайсы һәм йырсы бергә булһасы» һәм «Башҡорт, рус һәм сит ил көйҙәре».
2024 йылдың декабрендә Рушан Биктимеров Башҡорт филармонияһының йыйылма төркөмө менән Луганск халыҡ республикаһында концертта сығыш яһаны.
Следующая публикация
Нет комментариев