Предыдущая публикация
Լիպարիտ Ռոբերտի Մելիքջանյանը ծնվել է 1974 թվականի մայիսի 22-ին Իջևան քաղաքում:
1981-1991թթ. ընդունվել և ոսկե մեդալով ավարտել է Իջևանի թիվ 2 միջնակարգ դպրոցը:
1991-1996թթ. ընդունվել և գերազանցության դիպլոմով ավարտել է Երևանի պետական համալսարանի իրավագիտության ֆակուլտետը՝ ստանալով իրավաբանի որակավորում:
1997թ. ընդունվել է Երևանի պետական համալսարանի իրավագիտության ֆակուլտետի ասպիրանտուրան: 2004թ. պաշտպանել է <<Միջազգային հաշվարկներում մուրհակի կիրառման հետ կապված իրավական հիմնախնդիրները>> վերտառությամբ թեկնածուական ատենախոսությունը:
2005թ.-ին ԵՊՀ մասնագիտական խորհրդի որոշմամբ Լ. Մելիքջանյանին շնորհվել է իրավաբանական գիտությունների թեկնածուի գիտական աստիճան:
1996-1998թթ. ծառայել է ՀՀ զինված ուժերում՝ որպես վաշտի հրամանատարի տեղակալ անձնակազմի գծով:
1997-1998թթ. ծառայելով Վազգեն Սարգսյանի անվան ռազմական ակադեմիայում, միաժամանակ, ակադեմիայի սաներին դասավանդել է <<Զինվորական հանցագործություններ>> առարկան:
1998-2003թթ. աշխատել է “Գրեյթ Արարատ” ՍՊԸ-ում՝ որպես իրավաբան:
2005թ.-ից աշխատում է Երևանի պետական համալսարանի իրավագիտության ֆակուլտետի քաղաքացիական իրավունքի ամբիոնում՝ որպես դասախոս, 2007թ.-ից՝ որպես ասիստենտ:
2013թ.-ին ԵՊՀ գիտական խորհրդի որոշմամբ Լ.Մելիքջանյանին շնորհվել է դոցենտի գիտական կոչում՝ իրավաբանություն մասնագիտությամբ:
Լ. Մելիքջանյանը հեղինակ է մի շարք գիտական հոդվածների, մենագրությունների և այլ գիտական աշխատությունների, ինչպես նաև համահեղինակ է բազմաթիվ դասագրքերի և ուսումնական ձեռնարկների:
1996թ.-ից ՀՀ Իրավաբանների միության անդամ է:
Ամուսնացած է, ունի 2 երեխա:
Следующая публикация
Нет комментариев