Предыдущая публикация
Төркиядә IX Халыкара сәнгать күргәзмәсе ачылышында татар рәссамы эшләре тәкъдим ителә
Иртәгә Төркиянең Аланья шәһәрендә IX Халыкара сәнгать күргәзмәсе ачыла. Күргәзмәне Аланья шәһәре хакимиятенең чит ил кешеләре эшләре буенча комитеты оештыра. Күргәзмәдә Казан сәнгать училищесын һәм Казан федераль университетын тәмамлаган рәссам-мастер Илшат Нәбиуллин катнаша. Бу турыда «Татар-информ» хәбәр итә.
«Күргәзмә Аланьянең мәдәни үзәгендә – Saray, İsmet Hilmi Balcı Cd. No:4 адресында ачыла. Күргәзмәдә Илшат Нәбиуллин композитта эшләнгән рәсемнәрне, шулай ук бакыр һәм череми торган корычтан ясалган татар орнаменты белән бизәлгән лалә чәчәге эшләнмәләрен тәкъдим итәчәк», – диде «Анталья татарлары» татар җәмгыяте җитәкчесе Оксана Назарова.
Илшат Нәбиуллинның «Мирскийның соңгы көне» акрил, композит 200×100 см. «Җәй» картинасы – акрил, композит 125×78 см. Милли мотивлы «Лалә» чүкеп ясалган яктырткыч 32×32 биеклеге 51 см. Материаллар: бакыр, череми торган корыч, гранит кебек эшләре тәкъдим ителәчәк.
Следующая публикация
Нет комментариев