Предыдущая публикация
Гарип балалы, баш өянәкле чирле хатынның үзенең ачы язмышын, әни каргышы төште безгә дип сөйләгәннән соң туды бу шигырем.
РӘНҖЕТМӘГЕЗ АНАЛАРНЫ.
Рәнҗетмәгез аналарны,
Гом(е)рең булыр сагышлы.
Җиде буын юллый диләр,
Сиңа төшкән каргышны.
Тормышыңның юне булмас,
Йөзегезгә нур кунмас.
Айный алмассыз чирдән,
...Ана каргышы гүрдән.
Уяу килеш саташырсыз,
Әрнүләргә түзәлми.
Чәчең йолкып еласаң да,
Каргыш алга җибәрми.
Мин дә мин дигән җанкаең,
Очалмас канатланып.
Хаксыз үпкәң тының буар,
Яшәрсез газапланып.
Каргыш,рәнҗешләр алмагыз,
Җанга сеңәр,юылмас.
Тәмуг утын да онытмыйк,
Качып котылып булмас.
Венера Шарафисламова.
Следующая публикация
Нет комментариев